JOSHUA 8:33 - DAÜLANGPÜ LAIHING (BSI)

³³ Israel ami benha hatü bühü, jomei mübüthü, lakchongbüthü, hatü shahphenbüthü kemei Shembüpalei Vangpüshuwpü Pela paipü Levi am ngongpathü philei meeshi dangpong kü yaongteke. Shembüpa chongphobü Mosai shelei Israel nanglakthü kü moihiman shuohhen hepak kü epükei, nanglakthü hükeishing Gerizim Kahshang kü dok meeshi hatü hükei shing Ebal Kahshang kü dok meeshi yaongteke.

JOSHUA 8:33 Referans Kwoze

SHAHKÜP 11:29

Mechem Shembüpa, ammei Kahvangi ammi yahhen kahdokei müei leihenshang, amphongi Gerizim Kahshang leipü moihiman jung baongtuh, hatü Ebal Kahshang leipü jung baongtuh.

SHAHKÜP 31:12

Baha, nyüha hatü hashih naüha hatü am mü lakeiloiyei nyupü peü chemi nyükei thaihütuh hatü Shembüpa, ammei Kahvang kü nyemhen hatü kenhingei hapa shahkungthü noteihen jomi bangei nyinghütuh.

SHAHKÜP 31:9

Hanangkü Mosai hapa shahkungnyü nyangteke hatü Shembüpalei Vangpüshuwpü Pela kopü Levi am ngongpathü kü hatü Israel am mübüthü peü kü shuohteke.

JOSHUA 24:1

Hapheikü Joshua-i Israel am kemei Shekhemei thaihü; büpai Israel am behethü, mübüthü, shahphenbüthü hatü lakchongbüthü kemei nyük, hatü jom peü Kahvang touei pei.

JOSHUA 4:18

hatü mechem Shembüpalei Vangpüshuwpü Pela paipü ngongpathü yung leipü vamei yungphang kü la shuoppa, sheleipü keiha yung bhümei leiyei phaang küpei shateke.

JOSHUA 3:3

daiyei nanglakthü kü ngeükhüam shuoh-ei e: “Mechem ammi Shembüpalei Vangpüshuwpü Pela Levi am ngongpathüi paitü daiyei eehenshang, ammi laophü nyushing kübü layaongei hapa phei mütuh.

SHAHKÜP 31:25

Shembüpalei Vangpüshuwpü Pela kopü Levi am ngongpathü kü eteke:

BHEI-IE 15:29

Israel am vaijao lakeiloipü am vaijao nenyingi thahpü mang shingvaishi shahkung hük hatü aihüki peü kü shashi nyüke.

BHEI-IE 15:16

Hapa aihük shahkungi am hatü am mü lakeiloiyei nyupü am kü shashi nyüke.”

MÜLANGPÜ 12:49

Israel bühü hatü am mü loiyei nyupü benhathü kao hapa shahkung aihük mü notuh” shei eteke.

JOSHUA 23:2

hatü büpai Israel am behethü, mübüthü, shahphenbüthü, hatü lakchongbüthü nyükei jom kü eteke, “Ngeiyü sheyü viüdai, hatü bong longi daiteke.

JOSHUA 6:6

Hanangkü Nunei cheha Joshua-i ngongpathü nyükei jomphong kü, “Amphongi Shembüpalei Vangpüshuwpü Pela paituh, hatü ngongpa nyeti amit nyet notü hapa shekü kamhütuh” shei eteke,

JOSHUA 4:10

Mosai Joshua homei nanglakthü kü dükhen epü dükei mangkem thahshi ngongpathüi Vangpüshuwpü Pela paitü Jordan yung jiamei yaongshi nyuteke. Nanglakthüi shüshülangi yungdang homei heih.

JOSHUA 3:14

Mechem nanglakthüi Jordan yung homhen shingvaishi layaongei daipa, ngongpathüi Vangpüshuwpü Pela paitü jom shekü daiteke.

LEVI 24:22

Hapa shahkungü Israel am vaijao, benha shennyak vaijao aihük mü shashi nyüke.

JOSHUA 3:6

Hatü Joshua-i ngongpathü kü, “Vangpüshuwpü Pela paituh hatü nanglakthü shekü kamtuh” shei eteke. Hanangkü jomi Vangpüshuwpü Pela paitü nanglakthü shekü dai.

JOHAN 4:20

Hamei bühipathüi hapa kahshangei khümhampeih, shejao nanglakthüi khümhen shingü Jerusalem hih shei ammi enyüke” shei e.

BHEI-IE 15:15

Hüdenhalenshi hapa aihük shahkungi am kao hatü am mü lakeiloiyei nyupü am kao shashi nyüke. Am hatü lakeiloipü am peü Shembüpa tou kü hükkeipü nyüke.