JOSHUA 6:17 - DAÜLANGPÜ LAIHING (BSI)

¹⁷ “Hapa chingnyü hatü halei nyupü lemphüli Shembüpa kü moila keiha tentükhen. Büm yupü Rahab hatü pinnyü mü shemei nyupüthü mon yanghen; mehenangkü pinnyüi jeni shompü gühshukpüthü joei yangpeih.

JOSHUA 6:17 Referans Kwoze

SHAHKÜP 20:17

Hit, Amor, Kanan, Perizz, Hiv, hatü Jebus am peü Shembüpa, ammei Kahvangi epükei kemei jütüktuh.

JAKOB 2:25

Ha leshi büm yupü Rahabi phongshanthü nyükei shütü jomphong lebü lemei deishihpai dou homei pinnyü dahshakpü nevaipü je?

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

HEBREW 11:31

Hinglempai büm yupü Rahabi ven nedanpüthü mü nemah; mehenangkü pinnyüi gühshuk peipüthü mongongshi yah.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

GALATIA 3:12

Shejao shahkungnyü-ü hinglempü shangkü haüshi neshiü; halei meyü, “Üami shahkungnyülei douthü düknya, jomü ha homei nyuhen.”

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

1 KORINT 2:7

Shejao hami joshi hatü jaoshi nyupü Kahvangei kihikon jung enyeih, hatü hapayü denshemthü pangshekü Kahvangi jenei müknyinshekhang shingvaishi jetükpeih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

EZEKIEL 39:17

“Shennyak ha, Shembüpa Kahvangi hapakei enyüke: Ouhiyüh hatü phaüyemthü peü kü nyüktuh: Israel kahshangthü kü ngei jakpü moila longpü am shingvaishi tempü hapa moila shingei peü lemeipü thaitü chemi peikei. Halei ammi phai hahhen hatü iy yinghen.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

ISAIAH 34:6

Shembüpalei yanlu-ü moila shuohpü mi, hatü yum iy, milei she kübü cheü keiha, jomei iy-i haiyei hatü cheüi jümshi nyüke. Mehenangkü Shembüpai Bozrahlei moila shuohhennyüke, hatü Edomei jühen longi nyüke.

EZRA 10:8

Nyih jem mongkü üpa nepeihenshang lakchongbüthü hatü behethüi temteipü aimü büpalei mop kemei yahlanghen hatü noknyü khong kübü changtükhen shei e.

1 SAMUEL 15:6

Ijip leipü leijashingkü Israel am kü phahji hushuohpü Ken am kü, “Amalek am toueipü amphong layaongei lüdaituh, nedaijema amao jom kei mahhen” shei e. Hanangkü Ken am Amalek am mü nyupü lüdai.

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

JOSHUA 2:22

Jomphong hapakei eteitü yanei jijinyi kü changpüthü nyokei mangleidai thahshi phaüshang lemei aongei nyih jem joshi nyuteke. Jomphongi lem peü kü jiji yemteke shejao nedang.

JOSHUA 2:1

Hahepak kü Nunei cheha Joshua-i Shittim leipü shennyak nyi joei gühshuk shomteke. “Daituh, hatü kahmük doktuh, nyeinya vaishi Jeriko kü veituh” shei eteke. Hanangkü jiji daiyei büm yupü nyüha hük Rahab am shemei ngoi, hatü halei paümteke.

1 SAMUEL 15:3

Shaang daituh hatü Amalek am hahtuh, hatü jomi angpü lemphüli chemjalak kü mangtüktuh. Meheyao aoei tetuh; nyüha, baha, hashihnaüha, mohoh, mi, ut hatü gaduthü kemei jütükkemtuh” shei e.

LEVI 27:21

Shejao mechem kah-ü jubilee bong kü lanei shuohhen, hayü Shembüpa kü daülangpü phenei shuohtükpü kah vaihen; hapayü ngongpathülei kah vaidaihen.