JOSHUA 5:14 - DAÜLANGPÜ LAIHING (BSI)

¹⁴ Hapa shennyaki, “Mepayao nevai, shejao ngeiyü Shembüpalei veshan mübü hük leshi peipeih” shei e. Hahepak kü Joshua-i dhüm huei büpalei dhe thaungei shatü, “Büpa chongphobü kü Shembüpai mehe shahjang ehüpa?” shei khümei phe.

JOSHUA 5:14 Referans Kwoze

ISAIAH 55:4

Veituh, ngei büpayü nanglakthü kü denbü hük, hatü nanglakthü shing mübü hük leihüpeih.

KAHBHAO 17:3

Hahepak kü Abrami aümei sha, hatü Kahvangi büpa kü,

LUK SHAHSHA APPÜ 20:42

Mehenangkü Davidi louphü nyingi Menvih Kesho kü hapakei enyüke: Shembüpai ngelei Shembüpa kü,

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

DANIEL 10:13

Shejao Persia ongching ongpai nyih hapühük thahshi ngei khüei yaongpeih. Hahepak kü vangsho phongshan longpüthü khongkü hük, Mikhael, ngei kü sheühnüng peiküpeih, hatü ngei büpa Persia ongching kübü ongpa mü tuhphongpeih.

SHAKEI VAMPÜ 12:7

Vangsholei vehok hük vam; Mikhael hatü büpalei vangsho phongshanthüi Dragon khüei hok. Dragon hatü büpalei phongshanthüiyao ha kü khangei hok,

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

MATHI 22:44

‘Shembüpai ngelei Shembüpa kü, nüngei vepathü nüngei la phangei mangtuh thahshi nüng ngelei lakdah philei uotuh’ shei e.

MATHI 8:2

hatü ngombü hük büpa touei peiyei aümei shatü, “Shembüpa, nüngi mongjema, nüngi ngei meitükshih” shei khümei e.

DANIEL 10:21

shejao shahhing laitap kü mehe nyangei nyu, ha shong ngei nüng kü ephüshah. Israel yompü Mikhael phongshan mü lenei jom khüei hokhen üpaiyao ngei kü nesheühphünyu” shei e.

ISAIAH 6:8

Shembüpai, “Ngei üpa shomhen, hatü ngei shingvaishi üpa daihenang?” shei epü ngeü ngei dan, Hatü ngei eteke, “Ngei hammü nyüpeih; ngei shomtuh.”

BHEI-IE 16:45

“Khong toueipü shindaishih, ngei chemjalak kü hathü shennyakthü jütükhen hih” shei e, hatü jiji dhe thaungei sha,

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

PHONGSHANTHÜ DOU 9:6

Shejao yaongtuh, hatü chingnyülei aongtuh, hatü nüngi mehe dükhen nüng kü ephahen” shei e.

LUK SHAHSHA APPÜ 1:43

Ngelei Shembüpalei nyü leihen mü ha ngei kü mehekei hetpa?

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

MÜLANGPÜ 4:10

Shejao Mosai Shembüpa kü, “Peihdaipü nyih kü nevaijü shaang nüngi nüng chongphobü kü shah elangmao ngei shah mechemao meishi ne-eaok; mehenangkü ngeiyü shah üngpü hatü youngmü epü shennyak hih” shei e.

KAHBHAO 17:17

Abrahami aümei shatü büpa nying nyiyei, “Bong kho hük pajei hüki hapeü anghen je? Bong 90 lomdaipü Sarah-i naü bühhen je?” shei e.

LUK SHAHSHA APPÜ 5:12

Mechem büpa chingnyü hükei nyupa, shennyak hük ngomma-i büm lüpei daitü pei. Mechem büpai Jisu eepa, büpai kahdokei dhe aümei shatü büpa kü, “Shembüpa, nüngi mongjema ngei meitükshih” shei khümei e.

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

MÜLANGPÜ 4:13

Shejao Mosai, “Oh Shembüpa, chingmeilemlingei hanei am jeiyei shomtuh” shei e.

MENVIH KESHO 24:10

Müknyinshekhang ongpayü üpaang? Büpayü Jeiyong Shembüpa, Büpayü müknyinshekhangpü ongpa.

BHEI-IE 22:31

Hahepak kü Shembüpai Balaamei mük aphü, hatü büpai lembalei vangsho phongshan yanlu notü yaongshi ee. Hanangkü Balaami kahdok lemei dhe thaungei sha.

JOSHUA 20:1

Hapheikü Shembüpai Joshua kü,

2 SAMUEL 7:19

hatü hapaiyao nüngei mükmong nema, Oh Shembüpa Kahvang; nüngi shao nüng chongphobülei ngoikahen shemong nangao eteke. Oh Shembüpa Kahvang, hapayü nüngi hangku mü nyingnyoi kü noteipü lem je?

2 SAMUEL 7:20

Ngei mehe nyeinya ekününg! Mehenangkü nüngi nüngei chongphobü nyingei nyüke, Oh Shembüpa Kahvang!

EZEKIEL 3:23

Hanangkü ngei layaongei kahjilei dai, hatü halei Shembüpalei müknyinshekhang ngei ee, hatü hapayü ngei Kebar yungyenei eepü müknyinshekhang kei nyuteke hatü ngei kahdokei dhe aümei sha.

DANIEL 8:11

Vangsho phongshan hük hapa mübü longpü leiteke, hatü nyihjeih büpa kü jakpü moila shuohpeyao yahlang, hatü Phopshem dangkao nyettük.