JOSHUA 22:8 - DAÜLANGPÜ LAIHING (BSI)

⁸ “Mop longi koei yemhimak longi müei, hon, ngin, melangnyiam, nyiam hatü ashakviha longi koei shemei leituh, hatü vepa leipü aetpü mopthü ammei jeihinaü mü hanteituh” shei moihimanei etü leishihteke.

JOSHUA 22:8 Referans Kwoze

BHEI-IE 31:27

Hathü lemphüli shing nyi antuh, hatü shing hükü veshanthü kü, hatü shing hükkei aopü nanglakthü kü shuohtuh.

KANDOK 3:16

Yangnyu shosho pinnyülei ladah philei, hatü pinnyülei lanyong philei mophimo, hatü dhüm nyüke.

1 SAMUEL 30:24

Amphongi epü kü üpai bangkahenang? Mehenangkü vehok kü daipü hatü nedai-i hahying yungying shüpeikengei nyupüthü peüi hean aihük mü hanhen” shei e.

HEBREW 11:26

Ijip amei mop leimü Khristalei men kü shangponghen nyeinya longpü mop shei büpai deih; mehenangkü büpai shesha leipü laklei kü veishi nyuteke.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

MENVIH KESHO 68:12

Ongpathü hatü veshanthü lomi nyaidainyüke; jomei baümtapei douhinangthü hanteinyüke.

2 SHÜPPÜKENGPÜ 17:5

Shembüpai ongchingü büpa phangkü chonglingei tuh, hatü Judah am peü thintho koei pei; hanangkü büpa mop hatü dhüm longi dang.

1 SAMUEL 30:16

Büpai David müei yiüjashingkü Philistia hatü Judah leipü mophimothü longi yah-ei leipü nangkü moeitapei, haheiyingei yaüshi nyuteke.

2 SHÜPPÜKENGPÜ 32:27

Hezekiah ongpai mop longi ang hatü dhüm kohshi nyu, hatü büpai laophülei hon, ngin, douvang yaongthü, hetnyai, iithü hatü dounyünangba peü tuhhen shemthü veteke.

1 SHÜPPÜKENGPÜ 5:9

Heongphi kü jomi bhih kahdok kübü heihdaipü Euphrates yungyen thahshi kahdok kaamteke; mehenangkü Gilead kahdokei jomei yemhimakthü longi da.