JOSHUA 18:26 - DAÜLANGPÜ LAIHING (BSI)

²⁶ Mizpeh, Kephirah, Mozah,

JOSHUA 18:26 Referans Kwoze

EZRA 2:25

Kiriath-Jearim, Kephirah hatü Beeroth am 743.

SHAHPHENBÜTHÜ 10:17

Hahepak kü Ammon ami vehok phunglang temtü Gileadei baümtap ve; Israel amao chemi peiyei Mizpahlei baümtap ve.

JOSHUA 9:17

Hanangkü Israel am layaongei aongei nyih jempabü kü jom nyupü chingnyüthü: Gibeon, Kephirah, Beeroth, hatü Kiriath-Jearim ngoi.

JOSHUA 11:3

heshü hatü heongphi kü nyupü Kanan am, Amor am, Hit am, Perizz am, hatü phaüshang kahmük kü nyupü Jebus am, hatü Mizpah kahdok Hermon Kahshangla kü nyupü Hiv am touei shah shom.

JOSHUA 18:25

Gibeon, Ramah, Beeroth,

JOSHUA 18:27

Rekem, Irpeel, Taralah,

2 ONGPATHÜ 25:23

Mechem Judah am lakchongbüthü, hatü Babylon am touei shakei nevampü veshanthüi Gedaliah-i governor vaihen Babylon ongpai jeteke shei danpa, jomi Mizpahlei Gedaliah touei pei; jomphongü Nethaniahlei cheha Ishmael, Kareahlei cheha Johanan, Netophah leipü Tanhumethlei cheha Seraiah, hatü Maakahlei cheha Jaazaniah hatü jomei shennyakthü shiüteke.

SHAHPHENBÜTHÜ 11:34

Mechem Jephthah-i shem yemei Mizpahlei leijapa, büpalei yiükha phaam kaongei phaukteiyaki chepa ombomei vamjateke. Pinnyü-ü büpalei halomnyü; pinnyü mü lenei yeshang nevaijü yiükha üpa-ao nenyu.

SHAHPHENBÜTHÜ 20:1

Hahepak kü Israel am peü Dan kübü Beer-sheba hatü Gilead kahdok kübüao omshi büm hük kei shepei shatü Mizpahlei Shembüpa touei thaiteke.

1 SAMUEL 7:5

Hapheikü Samueli, “Israel am kemei Mizpahlei thaikei, hatü ngei Shembüpa kü am shingvaishi phophen hih” shei e.

1 SAMUEL 7:6

Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.

1 SAMUEL 7:16

Bong ieyei büpai Bethel, Gilgal hatü Mizpah kü shinei shinei kam, hatü hathü shing peü kü vanglem lem.

2 SAMUEL 4:2

Ishboshethlei veshan mübü shennyak nyi nyuteke; hükei menü Baanah hatü hükpalei menü Rekhab nyuteke. Jijiyü Beeroth leipü Benjamin am Rimmonei cheha nyi nyuteke; mehenangkü Beeroth amü Benjamin am shei nyingnyüke.

1 ONGPATHÜ 15:22

Hahepak kü Asa ongpai Judah am peü kü ngeükhüam shuoh-ei shennyak hükao ne-aami daiyei Baasha-i noteipü Ramah leipü yaong hatü tauktathü peü shetei leidai; hapa yah-ei Asa ongpai Benjamin kahdok leipü Geba hatü Mizpah nyi ling.

JEREMIAH 40:6

Hanangkü Mizpahlei nyupü Ahikamei cheha Gedaliah touei Jeremiah leiyei hapa kahdokei tuhphongpü nanglakthü mü nyuteke.