JOSHUA 17:4 - DAÜLANGPÜ LAIHING (BSI)

⁴ Jomi ngongpa Eleazar hatü Nunei cheha Joshua hatü mübüthü touei peiyei, “Hamei jeihinaüthü mü chemi ham kao mükjüp shuohhen Shembüpai Mosa kü epeih” shei eteke. Hanangkü Joshua-i jomphong kü Shembüpai epükei chepa mü jempü jeihinaüthü mü mükjüp hanshuohteke.

JOSHUA 17:4 Referans Kwoze

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

JOSHUA 14:1

Shaang hathüyü Israel ami Kanan kahdokei dangpü mükjüpthü nyuteke, hatü hathüyü Eleazar ngongpa, hatü Nunei cheha Joshua, hatü Israel jatthü kü mübüthüi jom kü hanteke.

JOSHUA 17:5

Jordan apshaphi Gilead hatü Bashan nyi mü Manasseh jati kahdok phaihan an dangteke;

BHEI-IE 27:1

Josephei cheha, Manasseh, Manassehlei cheha Makir, Makirlei cheha Gilead, Gileadei cheha Hepher, Hepherlei cheha Zelophehad, hatü Zelophehadei yiükhathü Mahlah, Noah, Hoglah, Milkah hatü Tirzah nyuteke.

BHEI-IE 27:4

Büpalei yeshang neshiü shei mehekei opalei men büpalei phang kübü katitükpa? Hamei opalei jeihinaüthü mü shepei mükjüp yahkei” shei eteke.

BHEI-IE 36:10

Hanangkü Zelophehadei yiükhathüi Shembüpai Mosa homei eshuohpükei dükteke.

JOSHUA 21:1

Hahepak kü Levi phangthü kü mübüthü ngongpa Eleazar hatü Nunei cheha Joshua hatü Israel jat kü phang phang kü mübüthü touei peiyei,