JOSHUA 13:6 - DAÜLANGPÜ LAIHING (BSI)

⁶ “Phaüshang kahmük kü nyupüthü Lebanon kübü Misrephothmaim, ha lappai Sidon am kemei, ngei Israel am toueipü changtükhen; ngei nüng kü epükei kahdok mon Israel am kü jomei lompü vaihen haneishuoh.

JOSHUA 13:6 Referans Kwoze

JOSHUA 11:8

Shembüpai jom Israel amei lak kü shuoh; Israel ami jom jü, hatü Longpü Sidon kübü Misrephothmaim thahshi hatü heongphi Mispeh kahji thahshi changei shan. Jomi hükao yemmü netuh-i mangjükem thahshi nedoh-i hokteke.

JOSHUA 23:13

Shembüpa, ammei Kahvangi am touei nyupü jatthü nechangtükphahen shei nyingtuh. Haleimü, Shembüpa, ammei Kahvangi am kü shuohpü kahdok kübü mangmahkem thahshi jomü ammei hühhihang, tailok; ammei dok kü bheipü nevaijü mük kü shoungpü hühhihang vaikahen.”

JOSHUA 23:4

Aoei nyupü jatthülei kahdok hatü Jordan hayü heshüphi Mediterranean yungching aa kü nyupü ngei neütükpü jatthü kemei ngei mükjüp vaishi ammei jatthü kü hanei shuohtepih.

BHEI-IE 33:54

Phang phang heshap phongyomei hapa kahdok hanteituh. Longpü khongkü longshi, maanpü khong kü maanshi shuohtuh. Jom kü mepa phong hethenshang ha jomei vaihen. Laophü laophülei bülem aimü hapa kahdok hanteituh.

JOSHUA 13:7

Hanangkü hapa kahdok jat shü kü hatü bhaosheipü Manasseh jat kü haneishuoh” shei eteke.

MENVIH KESHO 80:8

Nüngi Ijip leipü nyalingngupai yah-ei an; nüngi jatthü changtüktü ha sheiphong.

JOSHUA 1:6

Nüng wong kohtuh, monglongtuh; mehenangkü ngei jom kü shuohhen shei jomei chebü chepa kü lahpü kahdokei nüngi jom müei daihen.

JOSHUA 11:12

Shembüpa chongphobü Mosai epükei Joshua-i chingnyüthü neütük, haleipü ongthü kemei jütük.

JOSHUA 23:5

Shembüpa, ammei Kahvangi jom am toueipü hungei leitükhen, hatü am toueipü changtükhen, hatü Shembüpa, ammei Kahvangi lahpükei ammi jomei kahdok yahhen.