JOSHUA 10:24 - DAÜLANGPÜ LAIHING (BSI)

²⁴ Mechem jomi ongpathü Joshua touei müei deijapa, Joshua-i Israel am kemei nyük, hatü büpa mü daipü veshanthü kü, “Yopailei heihkei, hatü ha ongthülei üng kü ammei la-i shouptuh” shei e. Hanangkü jom heih-ei üng kü la-i shoupteke.

JOSHUA 10:24 Referans Kwoze

ROM SHAHSHA APPÜ 16:20

Chingmei Kahvangi meshük ne-angi ammei la phangkü kahshih ngümtükhen. Jenei Shembüpa Jisu Khrista phahji am mü nyute.

MALAKI 4:3

Ngei hathü dou dükpü nyih ammi nemeipüthü ammei labha phangkü kübhih leishi shouptükhen shei Shembüpa Kahvangi enyüke.

MENVIH KESHO 110:5

Shembüpa nüngei lakdah philei nyüke; büpa mongshihpü nyih büpai ongthü neütükhen.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

MENVIH KESHO 107:40

büpai jom kü shüveipü ongthü nyonghünyeih, hatü jahpanei paüeiyonei longteihünyeih.

SHAHKÜP 33:29

Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

MENVIH KESHO 91:13

Nüngi mailang hatü biütam kü; mangpü mailang hatü biünyü kü nüngei la-i shouphen.

MENVIH KESHO 18:40

Nüngi ngelei vepathü ngei toueipü nyaihütük; hatü ngei kü jiühitpüthü ngei jütük.

SHAHPHENBÜTHÜ 8:20

Hanangkü büpai hashongpa Jether kü, “Heih-ei jiji jütuh” shei e. Shejao chehai yan noei nebapaoki jü-ü; mehenangkü büpa ahshi hashih vaishi shiüteke.

HEBREW 1:13

Shejao mepa vangsho phongshanthü kü büpai, “Ngei nüngei vepathü nüngei la shoupshing mangleihü thahshi ngelei lakdah philei uotuh” shei epa?

2 SAMUEL 22:41

Nüngi ngelei vepathü nyemei ngei toueipü nyaitükhü, hatü ngei kü jiühitpüthü peü ngei jütük.

ISAIAH 51:23

Ngei hapayü am kü shüveipüthü üami am kü, “Hami ammei dok shangkü kamphanüng aümei lemtuh shei e, hatü chingshongei nyüphinya kü keiha lemhütü am kü shouppa, hayü jom kü shuohhen.”

2 SAMUEL 22:39

Neyangaokhen mü ngei jom ngümei jütük, jomphong ngelei la phangei dopeih.