JOSHUA 1:9 - DAÜLANGPÜ LAIHING (BSI)

⁹ Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 1:9 Referans Kwoze

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

SHAHPHENBÜTHÜ 6:14

Hahepak kü Shembüpai büpa kü, “Nüngei wong kempai daiyei Midian amei lak kübü Israel am yangtuh; ngei nüng kü hapa kangpü shuohnyüpeih” shei e.

2 SAMUEL 13:28

Hahepak kü Absalomi büpalei chongphobüthü kü, “Amnoni mechem yiüi chokei mongongshi chongkahen veituh, hatü mechem ngei amphong kü, ‘Amnon jütuh’ shei ephahenshang, büpa jütuh. Am tenyem; ngei ngeükhüam shuohnyeih; monglongtuh hatü wong kohtuh” shei e.

PHONGSHANTHÜ DOU 4:19

Shejao Peter hi Johan nyi-i jomphong kü, “Kahvangi epü meyü amphongi epü-üng banghen Kahvang touei jiüpü hi nejiüpa ammi shah phentuh;

SHAHKÜP 31:28

Ngei touei ammei jatthü kü mübüthü hatü lakchongbüthü thaihütuh hatü ngei jomi danshi hathü shah eshuohhen, hatü jom khüei denpü vaihen kahdok vangsho kü nyükhen.

SHAHKÜP 1:21

Veituh, Shembüpa, ammei Kahvangi hapa kahdok am kü shuohteke. Aongtuh hatü Shembüpai ambü ampa amei Kahvangi am kü epü keiha hapa kahdok yahtuh. Am nyemei hanei tenyu” shei eteke.

JOSHUA 1:10

Hanangkü Joshua-i nanglak mübüthü kü ngeükhüam shuoh.

JOSHUA 1:17

Hami Mosalei shah bangpükei, hami nüngi epü kao banghen. Shembüpa, nüngei Kahvang Mosa mü nyupükei nüng mao nyemnyukeima.

JOSHUA 8:1

Hahepak kü Shembüpai Joshua kü, “Nüng tenyem, nevaijü mong temaan. Nüngi veshanthü peü mütuh hatü aongei Ai ching hahtuh. Mehenangkü ngei nüngei lak kü Ai ongpa, büpalei nanglakthü, ching hatü kahdok shuohtepih.

JOSHUA 10:8

Shembüpai Joshua kü, “Nüngi jom kü tenyem; ngei nüngei lak kü jom shuohtepih. Jom üpayao am khüei neyaongaokpih” shei e.

2 SHÜPPÜKENGPÜ 15:7

Shejao am payü wong kohtuh, hatü ha kübü teyan; mehenangkü ammei dou kü laklei shuohhen” shei e.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

KAHBHAO 39:3

Büpa mü Shembüpa nyüke shei büpalei shembüi veiaok, hatü büpai dükpü lemphü kü Shembüpai moihimanteke.

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

JOSHUA 1:18

Üami nüngi epü shahthü khüei yaonghen hatü ha nebanghen, hathüyü jütükhen. Nüng mon wongkoh monglongtuh” shei eshuohteke.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.

JOSHUA 10:25

Hahepak kü Joshua-i jomphong kü, “Am tenyem nevaijü tehan. Am wongkoh monglongtuh. Ammi hokpü vepathü peü kü Shembüpai hapakei mon dükhen” shei e.

1 SAMUEL 10:7

hathü nyangeihepü vamphei kü mehe dükjü meihen khih shei nüngi veiaok, ha düktuh; mehenangkü Shembüpa nüng mü nyüke,

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

ISAIAH 8:12

hathü shennyakthüi phaüshah showpeih shei epü kü nüngi hayü khih shei te-e; hathüi nyempü kü nüngi tenyem.

DANIEL 10:19

Büpai, “Oh Kahvangi bampüba, nüng tenyem, nüng mong yangtuh, wong kohtuh hatü monglongtuh” shei eteke. Mechem büpai ngei kü epa, ngei kü wong vam, hatü, “Ngelei Shembüpai etuh; mehenangkü ngei wong kohhüteke” shei e.

HAGGAI 2:4

Shejao shaang wong kohtuh, Oh Zerubbabel, monglongtuh Jehozadakei cheha Joshua ngongchong; kahmük kü nyupü nanglakthü peü monglongtuh” shei Shembüpai enyüke. “Dou düktuh;

HAGGAI 2:5

mehenangkü mechem am Ijip leipü vamei daipa, hahepak kü ngei am kü lahpükei ngei am mü düngei nyüpeih” shei Jeiyong Shembüpai enyüke. “Ngei düngei am mü nyüpeih; am mepa kao tenyem!”