JONAH 4:8 - DAÜLANGPÜ LAIHING (BSI)

⁸ Mechem vanghe aongpa, Kahvangi shaamlukpü heong vanglük shom hatü Jonahlei shangjing kü vanghenyüi ketpü nangkü büpa shomeiyingei sha. Hanangkü büpa didaihüei deih, hatü eteke, “Yemmü nyulei meyü didaipü-üng meipü khih.”

JONAH 4:8 Referans Kwoze

JONAH 4:3

Shaang, Oh Shembüpa, ngelei yangnyu yahlangtuh; mehenangkü ngei shingvaishi yemmü nyulei meyü didaipü-üng meipüba khih” shei phop.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

MENVIH KESHO 121:6

Nyihnüng vanghenyüi, hatü yanüng lennyüi nüng kü nekethen.

SHAKEI VAMPÜ 7:16

Jom hajük kü halei nük ne-aeihen, hajük kü yung nelehen; vanghenyüi jom kü nekethen, hatü nyahpüshampai jom neshamhühen;

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

JONAH 1:17

Shejao Shembüpai Jonah lühhen nyah longpü hük temei nyu, hatü hapa nyah-i büpa lüh. Jonah nyah mongei nyih jem hatü ya jem nyu.

JONAH 1:4

Hahepak kü Shembüpai yungching yinglükleisho longpü hük shom, hatü hapa vanglük mangpai jahas mangtükhen mü vongshüh kü nyuteke.

SOLOMONEI KESHO 1:6

Ngei nyakpü nangkü ammi ngei kü tenaampha; mehenangkü ngeiyü vanghenyüi nyaktükpeih. Ngelei jeihinaüthüi ngei kü mongshih-ei ngei nyalingngupai kahthü yomhü, shejao ngelei nyalingngupai kah kü ngei nejungaok.

MENVIH KESHO 39:9

Ngei nenmü nyudaihen, ngei ju nekapih; mehenangkü hapa dükpeyü nüng hih.

JOB SHAHSHA APPÜ 2:10

Shejao büpai pinnyü kü, “Nüngü nganyüi epükei ekünyüke. Jeni Kahvang leipü mei mon yahtü nemeipü neyahhen je?” shei e. Hathü peü pongjao Jobi büpalei jui mang nethah.

1 SAMUEL 3:18

Hanangkü Samueli meheyao nejo-i büpa kü lemphüli eshuohteke. Hahepak kü büpai, “Hapayü Shembüpa mong khih; büpa kü mehe mei, ha nyemdükpha” shei e.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

MATHI 20:12

“Shomshi shapüthüi ghonda hük mon dou dükpeih, shejao helushoei vanghe sham kü kah lingei thempüthü mü hükkei nüngi lat shuohteke” shei e.

1 ONGPATHÜ 19:4

büpa monha nyih hük lem kü daiyei yingnyü ngoiyei püdhüm hükei uotü ngei didaihüangke shei phop. “Oh Shembüpa, hajük-üng; ngelei yangnyu yahlangtuh; mehenangkü ngelei bühipa mü ngei meheyao meipü nevai” shei e.

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

JONAH 4:9

Shejao Kahvangi Jonah kü, “Ümvü nangkü nüng mongshihhen jiüpü je?” shei e. “Hejema, ngei dihen mü mongshih-ei hih” shei büpai e.

KAHBHAO 41:6

Hapheikü nengetpü hatü heong vanglüki shamtükpü hahmai nyet vamteke.

1 ONGPATHÜ 21:4

Jezreel am Naboth-i, “Obülei mükjüp nüng kü neshuohpih” shei büpa kü eshuohpü nangkü longi mongmangei, hatü mongshih-ei shemei leiteke. Büpai lüngei dhe shouk lemei meetü hah-ao nehah-i lemshi nyu.

JOB SHAHSHA APPÜ 7:15

hapai ngei henüng yangnyu jeleimeyü üng kü yüphahtü dihen-üng jehünyüke.

CHONGVENBÜ 7:9

Nüngi shülangi mongshih tevam; Mehenangkü mongshih vampeyü ngapalei lakei noshi nyüke.