JONAH 2:9 - DAÜLANGPÜ LAIHING (BSI)

⁹ Shejao ngei nüng kü menvih shuohpü mü ngei jakpü moila shuohhen. Ngei mehe lah, ha ngei dükhen. Yemleipeyü SHEMBÜPAleipü peinyeih.

JONAH 2:9 Referans Kwoze

MENVIH KESHO 3:8

Aokpü dangpeyü SHEMBÜPAleipü peinyeih. Nüngei moihiman nüngei nanglakthü shak kü nyutuh.

MENVIH KESHO 50:14

Kahvang kü menvih shuohpü jakpü moila shuohtuh, hatü Jaipüba kü nüngi lahtükpü düktuh.

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

MENVIH KESHO 68:20

Jenei Kahvangü jen yemleipü Kahvang. Dipü kübü yanghenü Shembüpa, jenei Kahvang leipü peinyeih.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

SHAKEI VAMPÜ 7:10

Jomphongi ngeüwong anei lenei eteke: “Yemleipeyü ong uoshing kü uopü jenei Kahvang, hatü Mi Chehalei!”

JOHAN 4:22

Am Samaria ami üpa kü khümnya nenyingi khümnyüke; hami üpa kü khümnya ha nyingnyeih; mehenangkü yemleipeyü Jehoda kübü nyüke.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

JOB SHAHSHA APPÜ 22:27

Nüngi büpa kü phopjü büpai jangphahen, hatü nüngi lahtükpü dükaokhen.

KAHBHAO 35:3

hapheikü peikei, hatü ngei shanghahpü nyih ngei kü jangpü hatü ngei dailem peü kü ngei mü nyupü Kahvang kü moidü hük linghen jen Bethelei aongshah” shei e.

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

MENVIH KESHO 107:22

Jomi menvih shuohpüjakpü moila shuohhütuh, hatü mongong kesho homei büpalei douthü jung ehütuh.

2 SAMUEL 15:7

Vangbong ali pheikü Absalomi ongpa kü, “Ngei Hebronei heihshah, hatü ngei Shembüpa kü lahtükpü dükshah.

SHAHKÜP 23:18

hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MENVIH KESHO 95:2

Menvih shuoh-ei jeni büpa nyushingei peishah; jeni büpa kü menvih kesho mü mongongpü ngeü anshah!

1 SAMUEL 12:21

hatü am nanglei nedanghen nevaijü am neyangaokhen yahlak neshiüpü douthü lemei teleptei.