JONAH 2:6 - DAÜLANGPÜ LAIHING (BSI)

⁶ Kahshangthü lashaong thahshi ngei langei sha, kahdok mongpalei denshing ngei küplangteke. Oh Shembüpa, ngelei Kahvang, nüngi ngei chülohpü banghsha kübü yangei lei.

JONAH 2:6 Referans Kwoze

MENVIH KESHO 30:3

Oh Shembüpa, nüngi ngei Sheol leipü müei ngaipeih, kahshalei shüdaipüthü khong kübü nüngi ngei kü yangnyu shuohpeih.

MENVIH KESHO 16:10

Mehenangkü nüngi ngei Sheolei netuhphong, nevaijü nüngei Daülangpü Hük mahngshalei neshehühen.

ISAIAH 38:17

Hingmei mü ngei nanglei danghen tata kü ngei shahyaki hanghipeih. Nüngi bampai ngei mahhen kahsha leipü yangpeih. Nüngi ngelei mangthü peü nüngei ngaümpheilei yaktükpeih.

HABAKKUK 3:10

Kahshangthüi nüng eeyei kheünyüke; phumshang kübü vang keinyüke; Kahmong yungi ngeüwong anei yungching yungmok vamhünyüke.

HABAKKUK 3:6

Mechem büpa yaongnya, kahdoknyü jennyüke; büpai veishuohjü jatthü kheünyüke. Aivang den mebü nyupü kahshangthü bhaokdainyüke, hatü nedohnetenpü shangchingthü demdainyüke. Büpalei lemnyü-ü nedohneteni nyüke.

ISAIAH 40:12

Üpai laophülei lakei yungching notü shet-aoknya? nevaijü laophülei lakkhami vangshothü shetaoknya? Üpai mühdow kü shihtü kahdoknyü noei aoknya? nevaijü kahshang hatü shangtaothü dok kü shihtü dokaoknya?

MENVIH KESHO 143:7

Lomi jangshihma, Oh Shembüpa; ngelei laangha mongmahdaiteke. Ngei toueipü nüngei dhe tejodai; hei nevaijema ngeiyü kahshalei shüdaipüthü kei leidaihen khih.

MENVIH KESHO 104:8

Jomi kahshangthülei aongnyüke, nüngi jom shing itei tuhpü shing kahjilei yemei shadainyüke.

MENVIH KESHO 104:6

Ashaki jümpükei nüngiha kü yungchingi jüm, kahshangthü kao yungi jümteke.

MENVIH KESHO 65:6

Nüngei wongi kahshangthü chongnyiam lingei tuh; nüngü wongi maei nyüke.

MENVIH KESHO 55:23

Shejao Oh Kahvang, nüngi hathü kahsha chüpülei hütükhen; iy yenhüpü hatü lupülempüthü jomei yangnyu hükkei shingao nenyupih. Ngei payü nüng kü hinglemnyeih.

MENVIH KESHO 30:9

Ngei didaijü hatü ngei kahshalei shüdaijü mehe nanglei nyüpa? kübhih-i nüng vihhen je? Nüng meipü jung hapai ehen je?

JOB SHAHSHA APPÜ 33:28

Ngei kahshalei shüdaihen kübü büpai ngei yangpeih, hatü ngelei yangnyui vangngai eehen.”

JOB SHAHSHA APPÜ 33:24

hatü büpai hapa shennyak shinshangei, ‘Kahshalei shüdaihen kübü yangtuh, ngei büpa shing shojeinanglei hük dangtepih’ shei ejema,

SHAHKÜP 32:22

Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

MENVIH KESHO 18:5

Mahngchong vü-i ngei kü ngeihteke; dipü aethitai ngei heüteke.

MENVIH KESHO 116:3

Dihen aethitai peü lemei ngei shinei nyuteke; nyempühanpü mahngsha ngei ngoidaitü nyuteke; ngeiyü nyempü hatü mongshangi maei nyuteke.

ISAIAH 38:10

Yangnyu tavanshem kü ngei kahdoknyü kübü yandaihen khih; Aopü bongthü kemei yimchingei nyuhen khih shei deihteke.

EZEKIEL 26:20

hahepak kü ngei amphong dipü kahdokei aivang den mebü nyudaipü shennyakthü mü nyuhen shomhen. Denden mangdaipü kahmong leipü kahdoknyülei dipüthü mü nyuhen shomtükhen. Ha tata kü yemmü nyupü kahdokei ne-yei chingchingei nenyuhen.

EZEKIEL 31:14

Hanangkü yung yopailei nyupü pü mepaiyao shaoei ne-aonghen, nevaijü vangsho thahshi neluhen; hanangkü yung jüppü pü mepaiyao hajük thahshi shao luei ne-aonghen. Shennyak hangku diyei kahmongei shüdaipü keiha jom peü dihen demtükpü nyüke.

MENVIH KESHO 69:2

La phenshing neshiüpü nyaühut mongei ngei hingdainyüke; Ngei ilangmongei hingdaiteke, hatü yungnyü büngi ngei bhonglangnyüke.