JONAH 1:9 - DAÜLANGPÜ LAIHING (BSI)

⁹ Jonah-i, “Ngeiyü Hebrew am hih” shei jangei e. “Ngei Shembüpa, vangsho Kahvang, üpai yungching hatü kahdoknyü ling, büpa kü khümnyüpeih” shei jangei e.

JONAH 1:9 Referans Kwoze

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

MENVIH KESHO 136:26

Oh vangsho Kahvang kü menvih shuohtuh, büpa bampü den kü nyunyeih.

NEHEMIAH 1:4

Mechem ngei hathü shah danpa, ngei uotü nyih longi vangsho Kahvang kü thepeiyoungei, shüaeiyungleyei hatü phopei nyupeih.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

2 ONGPATHÜ 17:28

Hanangkü jomi Samaria leipü müei leipü ngongpathü khong kübü hük leiyei Bethelei nyu; büpai jom kü mekei Kahvang kü khümhen ha nyuhteke.

2 ONGPATHÜ 17:25

Mechem jomi shongei halei nyupa, jomi Shembüpa kü nekhüm; hanangkü Shembüpai mailang shomei jom hanei hahtük.

KAHBHAO 14:13

Yangei daipü shennyak hüki Hebrew am Abram touei peiyei büpa kü ha jung ejateke. Shaang Abramü Amor am Mamrelei longkham püchong yopailei nyu. Mamre hatü chenaü Eshkol hatü Aner hathüyü Abramei mongjempathü nyu.

SHAKEI VAMPÜ 16:11

hatü jom kü tüngpü hatü ma nangkü vangsho Kahvang kü thaüvaü, shejao jomi jomei douthü kübü mong nelep.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

SHAKEI VAMPÜ 11:13

Ha vangpan mü pedi longpü hük vük, hatü chingnyü phaihan an kü phaihan hük dodai; shennyak haja nyet thahshi hapa pedi vükpü kü mah, hatü aopüthüi nyemei vangsho Kahvang kü müknyinshekhang shuoh.

PHILIPPI 3:5

nyih shetpabü kü japtükpü, nyübüh-i Israel nanglak hük, Benjamin phang kübü, Hebrew li kübü Hebrew am, shahkungnyü philei Pharisee am,

PHONGSHANTHÜ DOU 27:23

Mehenangkü meya ngelei Kahvang, ngei üpalei nyüpa hatü üpa kü khümnya, büpalei vangsho phongshan ngei touei peiyei,

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

JOB SHAHSHA APPÜ 1:9

Hahepak kü Satani Shembüpa kü jangei, “Jobi Kahvang nyemnyu je?

NEHEMIAH 2:4

Ongpai ngei kü, “Nüng mehe napa?” shei phe. Hahepak kü vangsho Kahvang kü phoptü,

EZRA 5:11

Jomi hapa shahnyok shuohpeih: “Hamphongü vangsho hatü kahdok shak kü Kahvangei chongphobüthü hih; bong longi shekü veyei nyupü phopshem ha veyei leinyüpeih; hapa shingkü longpü Israel ongthüi vetü nyupeih.

KAHBHAO 39:14

pinnyüi shem am kü nyüktü, “Veituh, ngelei bahai hapa Hebrew amü jen kü mükshüngshenaamhen shakpü khih! Büpai ngei mü shinüng shüküpeih, hatü ngei wongmü ngeü anei lenpeih,

MÜLANGPÜ 1:15

Ijip ongpai Hebrew am naü bühshingkü sheühteipü nyüthü meni, Shiphrah hatü Puah nyi kü,

MÜLANGPÜ 2:13

Nyihphei, shao büpa daijashingkü Hebrew am shennyak nyi deyei chongjateke. Büpai nejiüpü naüha kü, “Nüngi laophülei Hebrew shennyak kü mehekei üpnya?” shei e.

KAHBHAO 1:10

Kahvangi ha kahvan kü, “Kahdok” shei men, hatü thaiyei shüngpü yung kü, “Yungching” shei men. Hatü Kahvangi hayü meiangke shei veiteke.

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.