JONAH 1:8 - DAÜLANGPÜ LAIHING (BSI)

⁸ Hanangkü jomphongi büpa kü, “Üpalei mang homei hamphong hajük ponghahnyeih shei deihnya, eshih? Nüng mehe dou düknya? Nüng meleipü peiküpa? Nüng mepa kahmük leipü peipa? Nüng üam jatliang?” shei phe.

JONAH 1:8 Referans Kwoze

KAHBHAO 47:3

Pharaoh-i büpalei cheihinaüthü kü, “Amphongü menüng dousho keipü düknya?” shei e. Jomphongi, “Nüngei chongphobüthüyü obü opa am keiha mi haümpü am hih” shei e.

1 SAMUEL 30:13

Davidi büpa kü, “Nüngei shembü üpaang, hatü nüng meleipüang?” shei phe. Büpai, “Ngeiyü Ijip am, Amalek am hükei aa hih. Nyih jem daiteke, ngei tüngjapü nangkü ngelei shembüi ngei yakphongtü lüdaipeih.

JOSHUA 7:19

Hahepak kü Joshua-i Akhan kü, “Ngelei hapeü, Israel amei Kahvang kü müknyinshekhang shuohtuh hatü ngaiyei lahtuh. Nüngi mehe dükpa ha ngei kü eshih; ha ngei kü tejo” shei e.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

1 SAMUEL 14:43

Hahepak kü Sauli Jonathan kü, “Nüngi mehe dükpa ngei kü eshih” shei phe. Jonathani büpa kü, “Ngei ngelei lenshuoh-i lungei nyahjiü ajüki hah-ei veipeih, ha med kü dihen ngei temei nyüpeih” shei e.