JONAH 1:5 - DAÜLANGPÜ LAIHING (BSI)

⁵ Jahas mübüthü peü longi nyem, hatü shennyak ieyei laophü laophülei kahvang kü ham yangtuh shei len. Jomi jahas shanghen shingvaishi hanggo lak-ai shüktükkem. Hahepak kü Jonah jahas shaongei yiüei mükhet meishi shiyei nyu.

JONAH 1:5 Referans Kwoze

1 ONGPATHÜ 18:26

Hanangkü jom shuohpü mohohbaong yah-ei hapakei ling, hatü jomphongi Baal kahvangei men kü dhom kübü om dhüshi, “Oh Baal kahvang, hami phoppü kü jangshih!” shei phop. Shejao meheyao jangpü neshiü; üpaiyao nejangshuoh. Jomi linghahpü moidü shinei phauktei.

JEREMIAH 2:28

Shejao ammi linghahpü kahvang melei nyüpa? Am shanghahpü hepak kü jomi aokjema peiyei am nyemyangpha; ammei jilathü meshük nyu, hajük ammei kahvangthü nyüke, Oh Judah.

ISAIAH 45:20

Am thaituh hatü chemi peikei, jatthü kübü yangei aopü nanglakthü! Püi lingpü lajei hatü yanghen neaokpü kahvangthü kü phoppüthüi ha nenyingnyu!

1 SAMUEL 24:3

Büpai lem namei nyupü mi shem yaongsha hükei peiyei nyiumeiyei nyu. David hatü büpalei shennyakthüyü yaongsha mongpalei uoshi nyuteke.

SHAHPHENBÜTHÜ 16:19

Delilah-i yawh-eiyangei pinnyülei shüngdok shangei Samson shinshihtü shennyak hük nyükei büpalei shodü nyetphen kuptük, hatü büpa wong nekoh-i lei; mehenangkü büpalei wong mahdai.

PHONGSHANTHÜ DOU 27:38

Jom peü hah-ei mohpheikü jomi yungei wheat kemei shüktükpü nangkü jahas shangkhah-i leiteke.

MATHI 26:45

Hapheikü büpa nanglomthü touei leiyei jomphong kü, “Amphong shaang thahshi shiyei nyiumeinyu je? Veituh, hepak ngoikünyüke, hatü Shennyak Ha mangthülei lak kü lanei shuohtükteke.

MATHI 26:43

Shao büpa leijashingkü jom peü shishi nyu; mehenangkü jomei mükdok vihdaitü nyuteke.

MATHI 25:5

Shaang yiükyahpa pheipü nangkü jom peü mükngüh dhaongei shiteke.

JONAH 1:16

Hathü shennyakthüi nyeinya Shembüpa kü nyem, hatü jomi Shembüpa kü jakpü moila shuoh, hatü vangeishuwteke.

JONAH 1:14

Hahepak kü jomphongi Shembüpa kü, “Oh Shembüpa, hapa shennyakei yangnyu mahtükpü nangkü chingmeilemlingei ham temahtük; hapa iy yenpü kü ham pungpü teleihü; Oh Shembüpa, hayü nüngi mongpükei düknyüpeih” shei e.

JONAH 1:6

Jahas mübü longpübai büpa kü, “Nüng mepakei hajük shinya? Paotuh hatü nüngei Kahvang kü yangshih shei phoptuh. Üpai nyingpa, büpai jen kü phahjiei deihtü jen yangphahen aokpeih” shei e.

HOSEA 7:14

Jomei mong kempai ngei kü nephop, shejao yangtü jomi thepnyüke; Mechem jomi nükhiyiü yüei phophenshang, jomi ngei khüei yaongnyüke.

JOB SHAHSHA APPÜ 2:4

Satani jangei, “Shuw nangjei shuw” shei e. “Shennyak hüki laophülei yangnyu nangjei büpai angpü lemphüli shuohhen.

MENVIH KESHO 107:25

Büpai ngeükhüam shuohtü yinglükpalei vamhü, hapai yungching yungmok domei anshih.

MENVIH KESHO 148:8

klang hatü shüyaong, shü hatü phumthüi, hatü yinglükpalei-i büpalei shah bangnyüke.

CHONGVENBÜ 3:6

yemhen hepak hük, hatü mahtükhen hepak hük; jaoei tuhhen hepak hük, hatü yaktükhen hepak hük;