JOHAN 9:35 - DAÜLANGPÜ LAIHING (BSI)

³⁵ Büpa changtükpü jung Jisui dan, hatü mechem büpai büpa pongpa, büpai, “Nüngi Shennyak Ha kü hinglemnyüla?” shei e.

JOHAN 9:35 Referans Kwoze

JOHAN 20:31

Shejao hathüyü ammi Jisu-ü Messiah, Kahvang Ha shei hinglemhen, hatü ha kü hinglempü homei ammi büpalei men kü yangnyuyem danghen shingvaishi nyangnyüpeih.

1 JOHAN 5:13

Am kü yangnyuyem nyüke shei nyinghühen nangkü Kahvang Ha kü hinglempüthü kü ngei hathü dou jung nyangnyeih.

JOHAN 10:36

‘Ngeiyü Kahvang Ha’ shei epü nangkü Opai daütüktü kahdoknyülei shompü hüki thaüvaüei enyüke shei ammi eaokhen je?

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

1 JOHAN 5:10

Üami Kahvang Ha kü hinglem jomei mongdangei denpü nyüpeih. Üpai Kahvang kü hingnelem, Kahvangi laophülei Ha nangkü denpü shuohpü kü hingnelempai büpa shahshem leitükteke.

1 JOHAN 5:5

Kahdoknyü neüaokpeyü üpaang shei shejema Jisu-ü Kahvang Ha shei hinglempü shennyak hih.

1 JOHAN 4:15

Jisu-ü Kahvang Ha shei üami lahnya hathü kü Kahvang nyunyeih, hatü jomphong Kahvang kü nyunyeih.

ROM SHAHSHA APPÜ 10:20

Isaiah-i monglongshi enyüke: “Ngei neyempüthüi ngei dangteke; Ngei jung nephepüthü kü ngei shakei vamei huteke.”

ROM SHAHSHA APPÜ 1:4

Jenei Shembüpa Jisu Khrista, üpa dipü kübü yangei leipü homei daülangpü laanghai büpayü ngan kohpü Kahvang Ha shei hutepa,

PHONGSHANTHÜ DOU 9:20

hatü lomi Sinagoglei, “Jisu-ü Kahvang Ha” shei Jisu jung baonghen chongpang.

PHONGSHANTHÜ DOU 8:36

Jiji chemi daishingkü yung nyupü shingei ngoi, hatü ban tüktükpü shennyaki, “Veihümao, hatouei yung nyüke! Ngei baptükhen mehe wongpü nyüpa?” shei e.

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 11:27

Pinnyüi büpa kü, “Hih, Shembüpa, nüngü Messiah, kahdoknyülei peipü Kahvang Ha” shei e.

JOHAN 6:69

Nüngü Kahvang kübü Daülangpü Hük shei hinglemei peinyüke hatü nyingnyüke” shei e.

JOHAN 5:14

Pheishi Jisui büpa phopshemei heüei büpa kü, “Veituh, nüng meidaiteke! Nüng hajük kü mang thah-ei tenyu; hei nevaijema lemhük nemeipü dhaümkahen” shei e.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 1:34

hatü ngei nyingiyao eeteke, hatü hapayü Kahvang Ha shei denpü shuohnyeih” shei eteke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

MARK 1:1

Hapayü Kahvang Ha Jisu Khristalei shahjangmei chongpangpü nyüke.

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

MATHI 14:33

Hatü ai mongei nyupüthüi büpa kü khümei, “Hingmei, nüngü Kahvang Ha khih” shei e.

MENVIH KESHO 27:10

Onyü opai ngei tuhphongjao, Shembüpai ngei yahhen.

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

MATHI 4:3

Hahepak kü Kahshih-i büpa touei peiyei büpa kü, “Nüngü Kahvang Ha shejema, hathü yaongi aan leihen ngeükhüam shuohtuh” shei e.

JOHAN 9:22

Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

JOHAN 9:34

Jomi büpa kü, “Nüngü bühhinüng mang kü bühteke, hatü nüngi hamphong küang nyuhnüng yaongnyu je?” shei e, hatü jomi büpa Sinagog leipü changtük.

3 JOHAN 1:10

Hanangkü ngei peijü büpai jen khüei mehe shahshem baongei yaünya, ha ngei hengkahen. Ha mong nehami büpai jeihinaüthü yen ngoipao neyahnyu, hatü hapakei yahnüng shei ejü büpai khüamei tuhnyüke, hatü hathü attoi kübü men tüktükhen khenyüke.

PHONGSHANTHÜ DOU 8:37

Philipi, “Nüngei mong kempai hinglemjema nüng baptüknüng aokhen” shei e. Büpai jangei, “Jisu Khristayü Kahvang Ha shei ngei hinglemnyeih” shei e.