JOHAN 9:34 - DAÜLANGPÜ LAIHING (BSI)

³⁴ Jomi büpa kü, “Nüngü bühhinüng mang kü bühteke, hatü nüngi hamphong küang nyuhnüng yaongnyu je?” shei e, hatü jomi büpa Sinagog leipü changtük.

JOHAN 9:34 Referans Kwoze

JOHAN 9:22

Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

JOHAN 9:2

Büpalei nanglomthüi büpa kü, “Nyuhbü, hapa shennyak mükphüngdaitü bühhen meyü üpai mang thahpa, büpai hi nyühipa homei vampa?” shei phe.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

LUK SHAHSHA APPÜ 18:17

Hingmei, ngei am kü enyeih, üpai maanpü hashih keiha Kahvang ongching neyahhenshang, halei neshüaokpih” shei e.

MENVIH KESHO 51:5

Hingmei, ngei bühshing kao mang nyu; Onyüi ngei kopü hepak kao ngei mang nyuteke.

JOB SHAHSHA APPÜ 25:4

Mekei etü Kahvang touei shennyaki daülangpü leiaokhen? Nyüi bühpü hangkuli büpa touei daülangi leiaokhen je?

KAHBHAO 19:9

Shejao jomphongi, “Nüngdaituh, hapa shennyakü hatouei benha vaiyei peipeih, shejao shaang shahphenbü kei ehen je? Hapa shennyak nyi mü nyeishi nüng kü nemei-i dükhen” shei e. Jomphongi nedoh-i Lot kü hungei sha benei shühen heih.

SHAKEI VAMPÜ 13:17

Hapa yemhalei men nevaijü füoshang neshüngpüthüi meheyao bhei neyuaokhen nevaijü neshakaokhen.

3 JOHAN 1:9

Ngei attoi kü lemhük nyangtepih, shejao Diotrephes, üpai jomphong khongkü mübü leihü, büpai ngei mehe e, ha kü mong neshuohkahen.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

GALATIA 2:15

Jomphongü nyübüh-i Jehoda am, hatü Kung am mangthü nevai;

1 KORINT 5:13

Haolei nyupüthü keyü Kahvangi shahphenhen. “Amphong khong kübü nemeipü shennyak changtüktuh.”

JOHAN 9:40

Büpa yopailei nyupü Pharisee am hanei ha danei büpa kü, “Mehe? Hamphongü mükphüngpü am je?” shei e.

JOHAN 9:35

Büpa changtükpü jung Jisui dan, hatü mechem büpai büpa pongpa, büpai, “Nüngi Shennyak Ha kü hinglemnyüla?” shei e.

JOHAN 8:41

Amphongiyü ampa ami mehe dük, ha düknyüke” shei e. Jomi büpa kü, “Hamphongü shounghathü nevaipih; hamei pa hük nyüpeih, hayü Kahvang” shei e.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

LUK SHAHSHA APPÜ 14:11

Mehenangkü üami laophü nyingi longpü leinya, maanpü leidaihen, hatü üami laophü nyingi maanpü leinya, longpü leihen.”

LUK SHAHSHA APPÜ 11:45

Shahkung nyuhbü hüki büpa kü, “Nyuhbü, mechem nüngi hathü ehenshang, nüngi hamphong kao naamei enyüke” shei e.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

ISAIAH 65:5

Nüng khaatdaishih, “Nüng meyü ngei longi daülangpeih” shei epüthü touei ngelei lak haongshi nyüpeih. Hapa keipü shennyakthüyü ngelei shongsha kü awshit, hatü helu bahshi thempü aw khih.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

KANDOK 26:12

Shennyak hüki laophü nyingi kon kohnyüpeih shei deihhahpü nüngi eela?

KANDOK 22:10

Nebahnevaipü shennyak changtükjü depülaopü vüngdainyeih; depülaopü, nejiünepaiteipü peü dohdainyeih.

JOB SHAHSHA APPÜ 14:4

Nedaünelangpü kübü üpai daülangpü ngaiaokhen? Üpaiyao neaokpih!

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

MÜLANGPÜ 2:14

Hapa shennyaki Mosa kü, “Üpai nüngi ham shak kü vanglem lembü hatü shahphenbü vaihen jepa? Nüngi Ijip naüha jütükpükei ngeiyao jühen deihnyu je?” shei e. Hahepak kü Mosa nyem hatü ngei mehe dükpa, hayü mih-i nyinglangteke shei deih.

3 JOHAN 1:10

Hanangkü ngei peijü büpai jen khüei mehe shahshem baongei yaünya, ha ngei hengkahen. Ha mong nehami büpai jeihinaüthü yen ngoipao neyahnyu, hatü hapakei yahnüng shei ejü büpai khüamei tuhnyüke, hatü hathü attoi kübü men tüktükhen khenyüke.