JOHAN 8:56 - DAÜLANGPÜ LAIHING (BSI)

⁵⁶ Ammei pa Abrahami ngelei nyih deih-ei mongongpeih, hatü büpai ha eetü mongongteke” shei e.

JOHAN 8:56 Referans Kwoze

HEBREW 11:13

Ha shennyakthü peü jom dipü thahshi hinglempü kü nyu. Jomi lahtükpü douthü nedang, shejao jomi tailuei hathü dou peijapü eeyei mongong. Jomi hapa kahdoknyü kü jomphongü yenpa hatü benha shei deih;

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

JOHAN 8:39

Jomi büpa kü, “Abrahamü hamei pa hih” shei e. Jisui jomphong kü, “Amphong Abrahamei hapeüthü vailangmeyü Abrahami dükpü douthü ammi dükhah shepeih,

MATHI 13:17

Hingmei ngei eshah, thibüthü hatü daülangpü shennyakthü longi ammi mehe ee, ha eehüei ongyangei nyupeih, shejao ha ne-ee; hatü ammi mehe dan, ha danhahhüei nyupeih, shejao jomi ha nedan.”

LUK SHAHSHA APPÜ 10:24

Mehenangkü ngei am kü enyeih, thibü hatü ongthü longi amphongi mehe ee, ha eehüei nyupeih, shejao jomi ha ne-ee, hatü ammi mehe dan, ha danhüei nyupeih, shejao jomi ha nedan.”

HEBREW 11:39

Hathü peü shak kü jom hinglempü nangkü mongmeijao Kahvangi mehe lah, ha jomi nedang.

JOHAN 8:37

Amphongü Abrahamei hühihathü shei ngei nyingnyüke, shejao ammi ngei jühen lem yemnyüke; mehenangkü am kü ngelei shah nyuishing neshiü.

JOHAN 10:25

Jisui jomphong kü, “Ngei am kü etepih shejao ammi hingnelem. Opalei men kü ngei dükpü douthü ngei jung denpü shuohnyüke;