JOHAN 8:51 - DAÜLANGPÜ LAIHING (BSI)

⁵¹ Ngei am kü shahhing enyeih, üpai ngelei shah bangnya, büpa mechemao nedipih” shei e.

JOHAN 8:51 Referans Kwoze

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

JOHAN 6:50

Shennyak hüki hahtü nedihen vangsho leipü yiüpü hahyingü hatouei nyüke.

LUK SHAHSHA APPÜ 2:26

Büpa kü Laangha Daülangpü homei büpai Shembüpalei Messiah mang-ee thahshi büpa nedipih shei shakei vamei eshuoh-ei nyuteke.

HEBREW 11:5

Hinglempai Enokh-ü dipü ne-eehühen shingvaishi yemmü yahlang, hatü üpaiyao büpa nedang; mehenangkü Kahvangi büpa yahlangteke. Mehenangkü büpai Kahvang mong hahhüpeih shei büpa yahlang shekü denpü shuohteke.

MENVIH KESHO 89:48

Üpai yemmü nyuei dipü ne-eehen? Mahngchongei wong kübü üpa yangaokhen?

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

JOHAN 8:52

Jehoda ami büpa kü, “Nüng keyü kahshih nyüke shei shaang hami nyingteke. Abraham didai, hapa keiha thibüthüao didaiteke, shejao nüngi, ‘üpai ngelei shah bangnya, mechemao dipü ne-eepih’ shei enyüke.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.