JOHAN 8:34 - DAÜLANGPÜ LAIHING (BSI)

³⁴ Jisui jomphong kü, “Hingmei ngei am kü enyeih, mang thahpü peü mangei aathü hih.

JOHAN 8:34 Referans Kwoze

ROM SHAHSHA APPÜ 6:16

Ammi laophü nyingi henyi hük kü ven danpü aa shei lanei shuohjema, dipülei müpü mang, nevaijü daülangshemshepülei müpü ven danpülei aa shei ammi nenyingnyu je?

2 PETER 2:19

Jomi hathü kü bümei lahnyüke, shejao jomphongü mangei aathü nyüke; mehenangkü shennyakü laophü kü mepai neü, hapalei aa leidainyeih.

KANDOK 5:22

Nemeipüthülei mangi jom kü-üng hühhihang leinyüpeih, hatü jomei mang kü-üng jom mandainyüpeih.

ROM SHAHSHA APPÜ 6:12

Hanangkü ammi mangi yahhüpü ven banghen mü mangi ammei didaihen büm kü vanglem telemhü.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

ROM SHAHSHA APPÜ 7:25

Jenei Shembüpa, Jisu Khrista homei Kahvang kü menvih shuohtuh! Hanangkü ngelei mongkü ngeiyü Kahvangei shahkung kü aa, shejao ngelei bümü mangei shahkungei aa nyüke.

1 ONGPATHÜ 21:25

(Laophülei nyüha Jezebeli nyeanpü kü Shembüpa touei chemjalak kü mang dükhen Ahabi phenei shuohpü keiha üpayao nenyu.

ROM SHAHSHA APPÜ 8:21

shejao nyih hük lingpü douthü shedailaidaiheni shapü kübü bümei leihen, hatü Kahvang hathülei müknyinshekhang bümei hean danghen monglem nyüke.

ROM SHAHSHA APPÜ 7:14

Mehenangkü shahkungnyü-ü laangha shei jeni nying; shejao ngei payü mang kü aa vaishi yutükpü phai shennyak.

PHONGSHANTHÜ DOU 8:23

Mehenangkü nüng kü shahyakpü hatü mükhakpai maei eenyüke, hatü mangei khoklatei nyüke” shei eteke.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.