JOHAN 8:28 - DAÜLANGPÜ LAIHING (BSI)

²⁸ Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

JOHAN 8:28 Referans Kwoze

JOHAN 5:30

“Ngei mongpü kü meheyao nedüknyih. Ngei danpükei ngei shahphennyeih, hatü ngei shahphenpeyü shahhing; mehenangkü ngei mongpü dükhen ngei neyemnyih, shejao üpai ngei shom büpai mongpü düknyeih.”

JOHAN 5:19

Jisui jomphong kü, “Hingmei mü ngei am kü enyeih, Ha-i büpai mongpü meheyao nedükaoknyih, shejao Pa-i mehe dükei ee, ha mon düknyüpeih; mehenangkü mehe mehe Pa-i düknya, Ha-i hapakei düknyüpeih.

JOHAN 6:38

mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

JOHAN 3:14

Mosai jahpanei biü lungei anpü keiha Shennyak Hayao lungei anshihhen,

ROM SHAHSHA APPÜ 1:4

Jenei Shembüpa Jisu Khrista, üpa dipü kübü yangei leipü homei daülangpü laanghai büpayü ngan kohpü Kahvang Ha shei hutepa,

PHONGSHANTHÜ DOU 4:4

Shejao hapa shahjang danpüthü longi hinglem, hatü jomphongü haja nga hükshing nyuteke.

PHONGSHANTHÜ DOU 2:41

Hanangkü üami büpalei shahjangmei yah, yung kü hüngteke, hatü ha nyih jomphong mü nanglak haja jem hükshing üteke.

JOHAN 19:18

Halei jomi büpa hatü büpa mü nyonghidah kü lebü nyi, büpa jiamei shei shophang kü ap.

JOHAN 16:10

daülangshemshepü nangkü; mehenangkü ngei Opa touei lüdainyeih hatü hajük kü ammi ngei ne-eehen;

JOHAN 11:42

Nüngi düngei ngei kü bangnyeih shei ngei nying, shejao ngei hayü hatouei yaongpü khong men kü enyeih, shejüang nüngi ngei shompü khih shei jomi nyinghen” shei e.

JOHAN 8:24

Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

JOHAN 3:11

Ngei nüng kü hingmei enyeih, jeni nyingei nyupü jung jeni eteinyeih, jeni eepü jung jeni denpü shuohnyeih, shejao ammi hamei shahjangmei neyah.

MÜLANGPÜ 3:14

Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

MATHI 24:5

Mehenangkü longshi shing ngelei men kü, ‘Ngeiyü Khrista’ shei eshi peikahen hatü hathüi longshi shing lemnyongei mülanghen.

MARK 13:6

Longshi shingi ngelei men kü, ‘Ngeiyü büpa hih’ shei eshi peikahen hatü jomi longi lemnyongei mülanghen.

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

JOHAN 4:26

Jisui pinnyü kü, “Ngei, üpai nüng mü shah eteinya, hayü büpa hih” shei e.

JOHAN 8:27

Büpai Pa jung enyeih shei jomi ha nyingei neaok.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

JOHAN 13:19

Hapa vamshekü ngei am kü shaang enyeih, shejüang mechem ha vamhen, ammi ngeiyü büpa khih shei hinglemhen.

JOHAN 18:32

Hapayü mekeipü dipü lemi büpa dihen, ha Jisui huei epü jiühühen shingvaishi vamteke.