JOHAN 8:24 - DAÜLANGPÜ LAIHING (BSI)

²⁴ Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

JOHAN 8:24 Referans Kwoze

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 3:18

Üpai büpa kü hinglemnya, nenyonghünyih; shejao üpai hingnelem, nyonghütükteke; mehenangkü hathüi Kahvang Halomei men kü hingnelem.

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

KANDOK 8:36

Shejao üami ngei nedangnya, jom nyingi ma yahnyüke; Üami ngei kü jiühitnya, dipü kü bamnyüke.

JOHAN 13:19

Hapa vamshekü ngei am kü shaang enyeih, shejüang mechem ha vamhen, ammi ngeiyü büpa khih shei hinglemhen.

JOHAN 4:26

Jisui pinnyü kü, “Ngei, üpai nüng mü shah eteinya, hayü büpa hih” shei e.

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

JOHAN 8:21

Nyipabü Jisui jomphong kü, “Ngei lüdainyeih, hatü ammi ngei yemhen, shejao amphongü ammei mang kü dihen. Ngei melei dainya, halei am nepeiaokpih” shei e.

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

MARK 13:6

Longshi shingi ngelei men kü, ‘Ngeiyü büpa hih’ shei eshi peikahen hatü jomi longi lemnyongei mülanghen.

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

MÜLANGPÜ 3:14

Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

MATHI 24:5

Mehenangkü longshi shing ngelei men kü, ‘Ngeiyü Khrista’ shei eshi peikahen hatü hathüi longshi shing lemnyongei mülanghen.

JOHAN 8:25

Jomi büpa kü, “Nüng üpaang?” shei phe. Jisui jomphong kü, “Ngei amphong mü mehe vainüng eteihen?

JOHAN 8:28

Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.