JOHAN 7:7 - DAÜLANGPÜ LAIHING (BSI)

⁷ Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

JOHAN 7:7 Referans Kwoze

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

GALATIA 4:16

Am kü shahhing epü nangkü shaang ngei ammei vepa leidaipü je?

1 JOHAN 4:5

Jomphongü kahdoknyü leipü; hanangkü jomi mehe e, hapayü kahdoknyü leipü nyüke, hatü jomi epü kü kahdoknyüi bangnyüke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

ROM SHAHSHA APPÜ 8:7

Ha vaipü nangkü phai kü mong shuohpeyü Kahvangei vepa; hapai Kahvangei shahkung ven nebangnyu– hingmei büpai nebangaokhen,

1 ONGPATHÜ 21:20

Ahabi Elijah eeyei büpai, “Oh ngelei vepa, nüngi ngei eepü je?” shei e. Elijah-i jangei, “Hih, ngei nüng eetepih. Mehenangkü nüng nyingi Shembüpa touei mehe mang ha dükhen yutükpü nangkü,

JEREMIAH 20:8

Mechem ngei shah ehen “Dehilao!” “Jüteishangtei!” shei mon ehen mü vamnyüke. Hanangkü helushoei Shembüpalei shah-i ngei kü yaüpülungpü, hatü naamshah mon koei peikünyüke.

KANDOK 8:36

Shejao üami ngei nedangnya, jom nyingi ma yahnyüke; Üami ngei kü jiühitnya, dipü kü bamnyüke.

LUK SHAHSHA APPÜ 6:26

Mechem peüi am meipü jung ehenshang onyükei, mehenangkü jomei bühipathüi shahshem thibüthü kü ha dükpeih.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 29:21

Mih kü ühingpüthü, nemeipüthü kü hanghi shuohjü ha kü khüambakpüthü, hatü jiüpü shennyak meheyao ten neshiüpü kü nyongtükpüthü mahkemhen.

KANDOK 15:12

Nebahnevaipüthüi yeanei epü yaktüknyeih; jomi kon kohpü am touei nepeinyih.

1 ONGPATHÜ 22:8

Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

MENVIH KESHO 109:5

Hanangkü jomi mei nangjei ten, ngei bampü nangjei jiühitpü nyokei shuohnyüke.

LEVI 13:10

Ngongpai büpa kü dokei veihen, hatü hangshuw poukei shoei ma kübü hangmum shoei phaithüng kei ma bhaoei shü vamjema,