JOHAN 6:39 - DAÜLANGPÜ LAIHING (BSI)

³⁹ Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.

JOHAN 6:39 Referans Kwoze

JOHAN 17:12

Mechem ngei jom mü nyupa, nüngi ngei kü shuohpüthü nüngei men kü yangei tuhtepih. Ngei jomphong yomtepih, hatü laihingei epü jiühühen shingvaishi mahhen hük daümtükpü mü lenei hükao nemahtük.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 18:9

Hapayü büpai, “Nüngi ngei kü shuohpü hükao nemahtük” shei epü jiühühen nangkü vamteke.

JOHAN 6:54

Üami ngelei phai hah hatü ngelei iy ying, hathü kü yangnyuyem nyüke, hatü dohpü nyih kü ngei jom yangei leishihhen;

JOHAN 6:44

Ngei shompü Opa-i müei nedeipheikü üpayao ngei touei peinüng neaok; hatü ngei dohpü nyih ngei hapa shennyak yangei leishihhen.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

ROM SHAHSHA APPÜ 8:11

Dipü kübü Jisu yangei leishihpü büpalei Laangha am kü nyujema, Khrista dipü kübü yangei leishihpü büpai am kü nyupü büpalei Laangha homei ammei phai yangnyu kü yangnyuyem shuohhen.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

MATHI 18:14

Hanangkü hathü maanpü khongkü hük dangkao mahtükhenü vangsho leipü ammei Pa-i nemongnyih.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

JOHAN 5:28

Ammi ha kü tethama; mehenangkü mahngshalei nyupüthüi büpalei ngeü danhen hepak ngoikünyüke,

1 SAMUEL 25:29

Hanei ami nüng kü changlangmao hatü nüng jütüknüng yemlangmao Shembüpa, nüngei Kahvangi büpalei kaokphang yangphangi jümshi yanglanghen, shejao nüngei vepathüyü büpai nyeikaunglah kübü yaongphaang kapei deitükpükei yaktükhen.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 17:9

Ngei jomei men kü phopnyeih; ngei kahdoknyülei men kü nephopnyih, shejao nüngi ngei kü shuohpüthülei men kü phopnyeih; mehenangkü jomphongü nüngei.

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

1 KORINT 6:14

Kahvangi Shembüpa yangei leishih, hatü büpalei ngani jenao yangei leiphahen.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.