JOHAN 6:38 - DAÜLANGPÜ LAIHING (BSI)

³⁸ mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

JOHAN 6:38 Referans Kwoze

JOHAN 5:30

“Ngei mongpü kü meheyao nedüknyih. Ngei danpükei ngei shahphennyeih, hatü ngei shahphenpeyü shahhing; mehenangkü ngei mongpü dükhen ngei neyemnyih, shejao üpai ngei shom büpai mongpü düknyeih.”

JOHAN 4:34

Jisui jomphong kü, “Ngelei hahyingü ngei shompübai mongpü dükhen, hatü büpalei dou temhen ha hih.

JOHAN 3:31

Üpa shangphi leipü pei, büpa peü shak kü longpüba; üpa kahdoknyü leipü nyupa, büpayü kahdoknyülei hatü kahdoknyü douthü jung enyeih. Üpa vangsho leipü yiü, büpa peü shak kübü.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

JOHAN 6:33

Mehenangkü Kahvangei hahyingü vangsho leipü peinyüpeih, hatü kahdoknyü kü yangnyuyem shuohnyeih” shei e.

JOHAN 3:13

Vangsho leipü yiüpü Shennyak Ha mü lenei üpaiyao vangsholei ne-aong.

HEBREW 5:8

Büpayü Ha vaijao büpa shangpongpü homei büpai ven danhen nying;

ROM SHAHSHA APPÜ 15:3

Mehenangkü Khristai laophü nying mongmeihühen nedük, shejao ha nyangei nyüke: “Nüng kü naamei epüthülei naamshah ngei kü sheüteke.”

EPHESIA 4:9

Mechem, “Büpa shangei aong” shei ehenshang, “Büpa maaipa kahdokei yiü” shei epü mehe lappüang?

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JOHAN 5:19

Jisui jomphong kü, “Hingmei mü ngei am kü enyeih, Ha-i büpai mongpü meheyao nedükaoknyih, shejao Pa-i mehe dükei ee, ha mon düknyüpeih; mehenangkü mehe mehe Pa-i düknya, Ha-i hapakei düknyüpeih.

JOHAN 6:29

Jisui jomphong kü, “Büpai shompü üpa nyüpa, büpa kü hinglemtuh; hapayü Kahvangei dou hih” shei e.

JOHAN 6:42

Jomi, “Hapayü Josephei cheha Jisu nevaipü je? Chenyü chepa jeni nyingei nenyupü je? Mekei etü büpai, ‘Ngeiyü vangsho leipü yiüpeih’ shei eaoknya?” shei eteiteke.

JOHAN 6:57

Vanyangyem Opa-i ngei shompü keiha, hatü ngei büpa homei nyupü keiha, üami ngei hahhen, ngei homei mon nyuhen.