JOHAN 6:32 - DAÜLANGPÜ LAIHING (BSI)

³² Hahepak kü Jisui jomphong kü, “Hingmei ngei am kü enyeih, am kü vangsho leipü hahying shuohpeyü Mosa nevai shejao hingshangpü hahying shuohpeyü ngelei Opa hih.

JOHAN 6:32 Referans Kwoze

JOHAN 15:1

Ngeiyü hingshangpü nyalingngupai, hatü Opayü pe dükbü.

JOHAN 6:58

Vangsho leipü yiüpü hahyingü ambü ampai hahtü dipü keipü hahying nevai. Shejao üpai hapa hahying hahhen den den kü yemmü nyuhen” shei eteke.

MÜLANGPÜ 16:4

Hahepak kü Shembüpai Mosa kü, “Ngei am shingvaishi vangsho leipü hahying vang keipükei shomphahen, nyihjeih nanglakthüi daiyei laophü shingvaishi changshi homei leituh. Ngei epü kü jomi mü-ülashangkü hapakei ngei jom kü dokhen.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

JOHAN 6:55

mehenangkü ngelei phaiyü hingshangpü hahying, hatü ngelei iy-ü hingshangpü yung.

JOHAN 6:50

Shennyak hüki hahtü nedihen vangsho leipü yiüpü hahyingü hatouei nyüke.

JOHAN 6:41

Hahepak kü, “Ngeiyü vangsho leipü yiüpü hahying” shei epü nangkü Jehoda ami büpa khüei eela.

JOHAN 6:35

Jisui jomphong kü e, “Ngeiyü yangnyuyem hahying. Üami ngei touei pei, mechemao ne-aeipih, hatü üami ngei kü hinglemnya mechemao yung nelepih.

JOHAN 6:33

Mehenangkü Kahvangei hahyingü vangsho leipü peinyüpeih, hatü kahdoknyü kü yangnyuyem shuohnyeih” shei e.

JOHAN 1:9

Peü kü vangngai shuohpü hapa hingshangpü vangngai kahdoknyülei pei.

MENVIH KESHO 78:23

Shejao büpai phumshangthü kü ngeükhüam shuoh, hatü vangsho shadenthü aphü;

MÜLANGPÜ 16:8

Mosai, “Mechem Shembüpai om mü am kü phai hahhen yahphahen hatü dhom mü ammi hahhüpüshük hahhen hahying yahphahen; hapayü Shembüpa khih shei ammi nyinghen; mehenangkü büpa khüei ammi langmaanpü büpai danteke. Henjiyü üpaang? Ammi henji khüei nevai, shejao Shembüpa khüei langmaannyüke” shei eteke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JOHAN 6:31

Hamei bühipai jahpanei manna betjük hahteke; ‘Büpai vangsho leipü hahying hahhen shuoh’ shei nyangei nyüke” shei eteke.