JOHAN 5:44 - DAÜLANGPÜ LAIHING (BSI)

⁴⁴ Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

JOHAN 5:44 Referans Kwoze

JOHAN 12:43

mehenangkü jomi Kahvangi vihpü meyü shennyaki vihpü lümdai.

ROM SHAHSHA APPÜ 2:29

Halangmao üpai monglei nyu büpayü hingmeipü Jehoda am, hatü hingshangi japtükpeyü mongdangei shahhidou; hapayü nyingnyoi dou nevai laangha dou. Hapa keipü shennyakü mih leipü nevai Kahvang leipü dupü-oupü dangnyeih.

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

ROM SHAHSHA APPÜ 2:10

shejao mei dükpüthü peü shingvaishi müknyinshekhang, dhüm hatü chingmei nyuhen: Shongpü kü Jehoda am shingvaishi, hapheikü Kung am shingvaishi.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

LUK SHAHSHA APPÜ 19:17

Büpalei shembüi “Meiteke, chongphobü meipü! Mehenangkü nüngi maanpü dou kü mong shuohpü nangkü nüngi chingnyü an kü veituh” shei e.

2 SHÜPPÜKENGPÜ 6:8

Shejao Shembüpai opa David kü, “Ngei shing shem hük vehen shei nüngi meishi deihshi nyuteke,

JAKOB 2:1

Ngelei jeihinaü hatü nyahinaüthü, ammi baong hanei noyaki hingmei ammi jenei müknyinshekhangpü Shembüpa Jisu Khrista kü hinglemnyu je?

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

2 KORINT 10:18

Laophü nyingi meipeih shei deihhahpü hapai nevai, shejao Shembüpai meiangpeih shei deihpü shennyak yahnyüpeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 8:43

Ngei epü ammi mehekei nedannya? Hayü ammi ngelei shah neyahpü nangkü hih.

JOHAN 3:20

Mehenangkü mang dou dükpü peüi vangngai kü jiühitnyeih, hatü jomei mang douthü shakei vamjahen khih shei nyemei vangngailei nepeinyih.

JEREMIAH 13:23

Ethiopia amei hangbong jeiaokhen je? nevaijü shahnyülei ow jeiaokhen je? Hapakei vailangmeyü ten dükei dhüdaipüthüi meiyao dükaokhen vaipeih.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

JOHAN 5:41

Ngei hangku leipü dupü-oupü neyemnyih,

1 THESALONIKA 2:6

Hami hangku leipü lappai, am leipü nevaijü üpa leipao vihpülüpü neyem.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

JUD SHAHSHA APPÜ 1:25

Jisu Khrista jenei Shembüpa homei Kahvang jen Yemleipüba kü mon denshem peü kü, shaang hatü dohpü neshiüi müknyinshekhang, dhüm, ngan, hatü wong nyute. Amen.