JOHAN 5:20 - DAÜLANGPÜ LAIHING (BSI)

²⁰ Pa-i Ha kü bamnyüpeih, hatü büpai ha mao longpü douthü huphahen, shejüang am thamahen.

JOHAN 5:20 Referans Kwoze

JOHAN 3:35

Pa-i Ha kü bampü nangkü lemphüli büpalei lak kü shuohteke.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

2 PETER 1:17

“Hapayü ngei bampü Ha, ngei büpa kü mong hahnyeih” shei Jeiyong Müknyinshekhangi epü büpa touei hapa ngeü peishingkü büpa Pa Kahvang leipü dhüm hatü müknyinshekhang dangpeih.

JOHAN 17:26

Ngei nüngei men jomphong kü nyinghütepih, hatü ngei ha nyinghühen, shejüang mepa bampai nüngi ngei kü bam, ha bampü jom kü nyuhen, hatü ngei jom kü nyuhen.

JOHAN 15:15

Ngei hajük kü amphong kü aathü shei nenyüknyih; mehenangkü shembüi mehe düknya, ha aa hüki nenyingnyih; shejao ngei am kü küphüthü shei nyüknyeih; mehenangkü ngei Opa leipü danpü peü ngei am kü nyinghütepih.

JOHAN 14:12

Hingmei ngei am kü enyeih, üpai ngei kü hinglemhen, büpai ngei dükpü douthü dükaokhen; hingmei, ngei dükpü kao nyeishi dükaokhen; mehenangkü ngei sheyü Opa touei lüdainyeih.

JOHAN 10:32

Jisui, “Ngei am kü Opa leipü doumei longi hutepih. Ha tata kü ammi ngei kü yaongi shüknüng yaongnyu je?” shei e.

JOHAN 5:29

hatü haleipü paoei vamkahen; mei dükpüthü yangnyuyem touei yangei leikahen, hatü mang dükpüthüao nyonghühen shingvaishi yangei leihen.”

JOHAN 5:25

Hingmei mü ngei am kü enyeih, dipüthüi Kahvang Halei ngeü danhen, hatü ha danpüthü yemmü nyuhen hepak ngoikünyüke, hatü hayü shaang khih.

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

MATHI 4:8

Shao Kahshih-i büpa kahshang shaopü hükei müei antü kahdoknyü kübü müknyinshekhangpü ongchingthü peü huteke,