JOHAN 4:22 - DAÜLANGPÜ LAIHING (BSI)

²² Am Samaria ami üpa kü khümnya nenyingi khümnyüke; hami üpa kü khümnya ha nyingnyeih; mehenangkü yemleipeyü Jehoda kübü nyüke.

JOHAN 4:22 Referans Kwoze

PHONGSHANTHÜ DOU 17:23

Mehenangkü ngei chingnyü homei daishingkü, hatü ammi khümpü dou kü meishi veijü khümteipü moidü hük kü, ‘NENYINGPÜ KAHVANG HÜK KÜ’ shei nyangei eeteke. Ammi mepa kü nenyingi khüm, ha jung ngei am kü baongnyüpeih.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

MENVIH KESHO 147:19

Büpai büpalei shah Jakob kü; büpalei shahkung hatü vanglemthü Israel am kü baongnyeih.

HEBREW 7:14

Mehenangkü jenei Shembüpayü Judah jat kübü pei, hatü ha jat nangkü Mosai ngongpathü nang meheyao eyei neshiü.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

MENVIH KESHO 68:20

Jenei Kahvangü jen yemleipü Kahvang. Dipü kübü yanghenü Shembüpa, jenei Kahvang leipü peinyeih.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

EZRA 4:2

jomi Zerubbabel hatü phangthü kü shangjingthü touei peiyei, “Ha shem vehen hamiyao sheühphüshah; mehenangkü hamao am kei-üng ammei Kahvang yemnyüpeih, hatü Assyria am Esarhaddon ongpai ham hatouei leihinüng büpa kü moila shuohhampeih” shei e.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

PHONGSHANTHÜ DOU 3:26

Mechem Kahvangi büpalei ha yangei leishihpa, ammei mang lemthü kübü lepei am kü moihimanhen shingvaishi büpai shongei büpa am touei shompeih.

ROM SHAHSHA APPÜ 11:18

Bhagtükpü kaothü nangkü am techangmei. Am changmeijema, tünglang kü sheühpeyü am nevai, shejao tünglangi am kü sheühpeih shei deihtuh.