JOHAN 3:8 - DAÜLANGPÜ LAIHING (BSI)

⁸ Vanglüki melemei lükhünya, halemei lüknyüke. Nüngi hapalei ngeü dannyüke, shejao nüngi ha melemeipü peinya, hatü melemei dainya, ha nüngi nenying. Hapa keiha Laangha kü angpü peü nyunyüpeih.

JOHAN 3:8 Referans Kwoze

1 KORINT 2:11

Mehenangkü hangku hüki laophü kü nyupü laangha homei mon hangku hük meheang ha nyingnyeih. Hapa keiha Kahvang Laangha homei mon hingshangi Kahvangü meheang ha nyingnyeih.

PHONGSHANTHÜ DOU 2:2

Hatü ngangahük kü vangsho leipü yinglükpalei keiha ngeü hük pei, hatü jomphong uoshi nyupü shem kemei ma.

EZEKIEL 37:9

Hahepak kü büpai ngei kü e, “Ngü kü teteivanei etuh, shennyak ha: vaungjung ali kübü vanglük peikei hatü yem leihen shingvaishi hathü mahng kü ngü heeyeishuoh shei Shembüpa Kahvangi enyüke.”

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

PHONGSHANTHÜ DOU 4:31

Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.

1 KORINT 12:11

Hathü peü Laanghai mongpükei pabüm ieyei kü hapa aihük Laangha hüki shuoh-ei dükhünyeih.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

MENVIH KESHO 107:29

Büpai yinglükpalei nenhü, hatü yungching yungmok dohtük.

MENVIH KESHO 107:25

Büpai ngeükhüam shuohtü yinglükpalei vamhü, hapai yungching yungmok domei anshih.

MENVIH KESHO 135:7

Kahdok jung leipü phum vamhüpeyü büpa hih; büpai vang shing klang lingnyeih, hatü büpai tuhshing leipü vanglük vamhünyeih.

CHONGVENBÜ 1:6

Apshaphi kü vanglük lüknyüpeih, hatü pehephi kü shinei leinyüpeih; Shinei shinei daiyei shao shongpü shingei leinyüpeih.

JOHAN 3:7

“Nüng nyipabü angtuh” shei ngei epü kü nüng tethama.

JOHAN 3:9

Nikodemas-i, “Hathü mekei aokhen” shei büpa kü e.