JOHAN 3:4 - DAÜLANGPÜ LAIHING (BSI)

⁴ Nikodemas-i büpa kü, “Shennyak hük viüdaipheikü mekei etü anghen? Shennyak hük shao nyüei vom mongei shütü anghen je?” shei e.

JOHAN 3:4 Referans Kwoze

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 6:53

Hanangkü Jisui jom kü, “Hingmei ngei am kü enyeih, ammi Shennyak Halei phai nehahpheikü hatü büpalei iy neyingpheikü am kü yangnyuyem nenyu.

JOHAN 6:60

Mechem büpalei nanglomthüi ha danpa, jomi, “Hapa nyuhpü venpeyü wongshi khih; üpai ha yah-aoknüng?” shei etei.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.