JOHAN 21:7 - DAÜLANGPÜ LAIHING (BSI)

⁷ Jisui bampü nanglomi Peter kü, “Hapayü Shembüpa khih!” shei e. Mechem Simon Peteri, “Hapayü Shembüpa khih” shei epü danpa, büpai ashak hanei ngeihtü yungei laongdai; mehenangkü büpa bümkong nyuteke.

JOHAN 21:7 Referans Kwoze

JOHAN 13:23

Büpalei nanglom hük üpa kü Jisui bam, büpa touei dhienei nyu.

JOHAN 20:2

Hanangkü pinnyüi mokei leiyei Simon Peter, hatü Jisui bampü lebü nanglom hük kü, “Jomphongi mahngchong leipü Shembüpa yahlangteke, hatü büpa melei vüpüshang nenyingang” shei e.

JOHAN 19:26

Mechem Jisui chenyü hatü büpai bampü nanglom pinnyü touei yaongshi eepa, büpai chenyü kü, “Nyüha, anha kü veituh” shei e.

2 KORINT 5:14

Khrista bampai jen kü vanglem lemnyüke; mehenangkü peü shing shennyak hük di shei hami nyingteke; hanangkü peü diteke.

JOHAN 21:24

Hathü dou jung denpü shuohpü hatü nyangpeyü hapa nanglom hih, hatü büpalei denpeyü shahhing shei jeni nying.

JOHAN 21:20

Peteri yaakei veijü Jisui bampü nanglom jomphong phei müjaei ee; büpayü hahyingpü hepak kü Jisu touei dhenei uotü, “Shembüpa, nüng luhahhenü üpaang?” shei phepeyü büpa nyuteke.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

PHONGSHANTHÜ DOU 2:36

Hanangkü Israel phang peüi ha lekei nyingtuh: Ammi shophang kü aptükpü hapa Jisu-ü Kahvangi Shembüpa hatü Messiah leihüpeih.

LUK SHAHSHA APPÜ 7:47

Hanangkü ngei nüng kü enyeih, pinnyülei mang longi nyupü tükteke; mehenangkü pinnyüi bampü longi huteke. Shejao üpa kü maani mang tük, büpai maani bamnyeih.”

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

MARK 11:3

Shennyak hanei-i, “Anji-i mehekei ha yahnya?” shei ephüjema, “Shembüpai ha nanyüke, hatü lomi nyokei leiphahen etuh” shei eteke.

SOLOMONEI KESHO 8:7

Yung longi nyupai shei ji bamteipü yungle meihen neaok; yungnyü büngi ha paüei shanlangnüng neaok. Hanei-i laophüi angpü mopi bampü shaknüng yemjema, ne-ienelempü ponghen.

MENVIH KESHO 118:23

Hapayü Shembüpai dükpeih, hatü hapayü jenei mük kü thamashi nyüke.

JAKOB 2:1

Ngelei jeihinaü hatü nyahinaüthü, ammi baong hanei noyaki hingmei ammi jenei müknyinshekhangpü Shembüpa Jisu Khrista kü hinglemnyu je?

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 20:20

Büpai ha epheikü büpai jomphong kü büpalei lak hatü haampat hushuoh. Hahepak kü nanglomthüi Jisu eeyei mongong.

LUK SHAHSHA APPÜ 12:35

“Dou dükhen temtüktü nyutuh, awdük jakei tuhtuh.

JOHAN 21:8

Shejao lebü nanglomthüi ai touei heih-ei shang maei nyah shüei lei; mehenangkü jomphong phaang kübü longi taishi nenyu; meter kho hük shing mon yungei heih-ei nyu.