JOHAN 21:15 - DAÜLANGPÜ LAIHING (BSI)

¹⁵ Mechem jomphong hahyingei tempa, Jisui Simon Peter kü, “Johanei ha Simon, nüngi hathü mao nyeishi ngei kü bamnyüla?” shei e. Büpai büpa kü, “Hih, Shembüpa; ngei nüng kü bamnyeih shei nüngi nying” shei e. Jisui büpa kü, “Ngelei mihathü haümtuh” shei e.

JOHAN 21:15 Referans Kwoze

ROM SHAHSHA APPÜ 15:1

Jen üami hinglempü kü wong koh, wong nekohpüthü kü sheühen khih, hatü jen nyingi jen mongmeihühen nedükhen khih.

1 JOHAN 4:19

Büpai shongei jen kü bampü nangkü jeni büpa kü bamnyeih.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

EPHESIA 6:24

Jenei Shembüpa Jisu Khrista shingvaishi mechemao nemahnemenpü bampü nyupüthü peü kü phahji nyute.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

JOHAN 16:27

mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

JEREMIAH 3:15

Amphong kü nyingpühingpü hatü danaokpü kon üh-ei haümhen ngei monghahpü mi yombü hük am kü shuohhen.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

ROM SHAHSHA APPÜ 14:1

Vaipü kü wong nekohpüthü mongongshi yahtuh, shejao büpalei mongdeih nangkü shah tedaktei.

MATHI 16:17

Jisui büpa kü, “Nüng moihimanpü, Jonahlei cheha Simon! Mehenangkü iy hatü phai-i nevai, shejao vangsholei nyupü Opa-i ha nüng kü shakei vamhüpü khih.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

JOHAN 21:12

Jisui jomphong kü, “Heih-ei cheü-a hahtuh” shei e. Shaang nanglomthü üpaiyao büpa kü, “Nüng üpaang?” shei nephe; mehenangkü jom peüi büpayü Shembüpa khih shei nyingdai.

JOHAN 21:7

Jisui bampü nanglomi Peter kü, “Hapayü Shembüpa khih!” shei e. Mechem Simon Peteri, “Hapayü Shembüpa khih” shei epü danpa, büpai ashak hanei ngeihtü yungei laongdai; mehenangkü büpa bümkong nyuteke.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

1 KORINT 8:11

Hanangkü hapa wong nekohpü jeihinaü, üpa shing Khrista di, nüngei kihikoni büpa mahtükteke.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

MARK 14:29

Peteri büpa kü, “Peüi tuhphongjao ngei nüng netuhphongpih” shei e.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

KAHBHAO 33:13

Shejao Jakobi büpa kü, “Hapeüthü wong nekoh, hatü yemhimak maanpüthü longi junghen mü nyüke, hatü hathü nyih hük lomei müei kamjema didaikemhen khih shei nüngi nyingei nyüke.

MATHI 10:37

Üami ngei mü nyeishi laophülei nyühipa kü bamhenshang, büpa ngelei nanglak vaihen nechang; hatü üami ngei mü nyeishi laophülei hapeüthü kü bamhenshang, büpa ngelei nanglak vaihen nechang,

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

2 SAMUEL 7:20

Ngei mehe nyeinya ekününg! Mehenangkü nüngi nüngei chongphobü nyingei nyüke, Oh Shembüpa Kahvang!

JOHAN 13:37

Peteri büpa kü, “Shembüpa, ngei mekei shaang nüng phei nemüaokhen? Nüng shingvaishi ngelei yangnyu lanei shuohhen hih” shei e.

JOHAN 1:42

Büpai Jisu touei büpa müei dei. Jisui büpa kü veitü, “Nüngü Johanei cheha Simon. Nüng kü Cephas, (lappai, Peter) shei nyükhen” shei eteke.

MATHI 26:35

Peteri büpa kü, “Ngei nüng mü dihen mü vamjao ngei nüng neyakphongpih” shei e, hatü nanglomthü peüi hapakei khan e.

MATHI 26:33

Peteri büpa kü, “Peüi nüng yakphongjao ngei nüng neyakphongpih” shei e.

PHONGSHANTHÜ DOU 20:29

Ngei leidaipheikü mi aoei netuh-i hahtükhen mangpü shuw am touei peikahen shei ngei nyingnyüke.

EZEKIEL 46:24

Hahepak kü büpai ngei kü, “Hapayü nanglakthüi shuohpü moila phopshemei chongphopüthüi cheühen shing hih” shei ngei kü ephüteke.