JOHAN 21:12 - DAÜLANGPÜ LAIHING (BSI)

¹² Jisui jomphong kü, “Heih-ei cheü-a hahtuh” shei e. Shaang nanglomthü üpaiyao büpa kü, “Nüng üpaang?” shei nephe; mehenangkü jom peüi büpayü Shembüpa khih shei nyingdai.

JOHAN 21:12 Referans Kwoze

PHONGSHANTHÜ DOU 10:41

hayü shennyak peü touei nevai shejao Kahvangi denbüthü vaihen jepü hamphong touei hatü büpa yangei leipheikü üami büpa mü hah hatü ying hathü touei vamei huteke.

JOHAN 16:19

Büpa kü phehünyu khih shei Jisui nyingei büpai jomphong kü, “Ngei amphong kü, ‘Kansho hük pheikü sheyü ammi ngei neeehen, hatü kansho hük pheikü ammi ngei eehen’ shei mehe lappü ngei epa ha jung eteinyu je?” shei phe.

JOHAN 21:15

Mechem jomphong hahyingei tempa, Jisui Simon Peter kü, “Johanei ha Simon, nüngi hathü mao nyeishi ngei kü bamnyüla?” shei e. Büpai büpa kü, “Hih, Shembüpa; ngei nüng kü bamnyeih shei nüngi nying” shei e. Jisui büpa kü, “Ngelei mihathü haümtuh” shei e.

MARK 9:32

Shejao büpai ha mehe enya jomi ha nenying, hatü ha jung büpa kü phehen nyemei deih.

JOHAN 4:27

Hahepak kü büpalei nanglomthü nyokei lei. Büpa nyüha hük mü shah eteipü eeyei jom peüi thama, shejao üpaiyao büpa kü, “Nüng mehe napa?” nevaijü “Nüngi pinnyü mü mehekei shah eteinya?” shei nepheshuoh.

LUK SHAHSHA APPÜ 9:45

Shejao ha mehe lappa, jomi nenying; hapa lappü jomi neyepaokhen mü jom kübü joei nyuteke, hatü jomi ha jung phehen nyemei nyu.

MATHI 22:46

Üpaiyao büpa kü shahlei neaok nevaijü ha nyih pheikü üpaiyao büpa kü shah phehen mong nelong.

JOHAN 21:11

Hanangkü Simon Peteri ai mongei shütü shang yungphaangei shüei lei. Halei nyah longpü mon 153 thahshi nyu; nyah hajük manjao shang neshaakdai.