JOHAN 20:22 - DAÜLANGPÜ LAIHING (BSI)

²² Mechem büpai ha epa, büpai jomphong kü ngüi dutü jomphong kü, “Laangha Daülangpü yahtuh.

JOHAN 20:22 Referans Kwoze

JOB SHAHSHA APPÜ 33:4

Kahvang laanghai ngei ling, hatü Jeiyong Kahvangei ngüi ngei kü yangnyu shuohnyeih.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

PHONGSHANTHÜ DOU 19:2

Büpai jomphong kü, “Am vaipü hepak kü ammi Laangha Daülangpü yahla?” shei phe. Jomi, “Neyah, hami Laangha Daülangpü nyüpüja sheiyao nedanangpih” shei jangei e.

PHONGSHANTHÜ DOU 8:15

Jiji yiüei jomi Laangha Daülangpü yahhen shingvaishi phop.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

EZEKIEL 37:9

Hahepak kü büpai ngei kü e, “Ngü kü teteivanei etuh, shennyak ha: vaungjung ali kübü vanglük peikei hatü yem leihen shingvaishi hathü mahng kü ngü heeyeishuoh shei Shembüpa Kahvangi enyüke.”

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

PHONGSHANTHÜ DOU 2:4

Jom peü Laangha Daülangpai ma, hatü Laanghai jom kü ehüaokpü thahshi lebü shah mü ehen chongpang.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

GALATIA 3:2

Ngei am leipü nyinghüpü dou hükü ha hih: Ammi Laanghayü shahkungnyü douthü dükpai dangpü hi nevaijü ammi danpü kü hinglempai dangpa?

PHONGSHANTHÜ DOU 4:8

Hahepak kü Peteri Laangha Daülangpai maei jomphong kü e, “Nanglak vanglem lembüthü hatü behethü,

PHONGSHANTHÜ DOU 10:47

“Jeni keiha jomiyao shaang Laangha Daülangpü yahteke; hanei ami jom baptükhen bangei tuh-aokhen je?” shei e.

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

JOHAN 14:16

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 20:23

Ammi hanei amei mang tükjema, jomei mang tüktükteke; ammi hanei amei mang netükjema jomei mang netüki nyüke” shei e.