JOHAN 2:22 - DAÜLANGPÜ LAIHING (BSI)

²² Büpa dipü kübü yangei leipheikü büpalei nanglomthüi büpai ha epü khih shei deih-ei dang, hatü jomi laihing hatü Jisui epü shahthü kü hinglem.

JOHAN 2:22 Referans Kwoze

JOHAN 12:16

Büpalei nanglomthüi shongei ha nenyingaok, shejao mechem Jisu müknyinshekhangpa, hapheikü jomi büpa nang hathü nyangei nyüke, hatü büpa kü ha dükteke shei deih-ei dang.

JOHAN 16:4

Shejao hapa hepak am touei ngoishingkü ngei am kü hathü jung ephütepih shei deihhen shingvaishi ngei hathü am kü etepih. Pangpülei ngei hathü am kü ne-eangpih; mehenangkü ngei am mü nyuteke.

JOHAN 14:26

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

MENVIH KESHO 16:10

Mehenangkü nüngi ngei Sheolei netuhphong, nevaijü nüngei Daülangpü Hük mahngshalei neshehühen.

JOHAN 2:17

“Nüngei shem kü nyakpükenpai ngei awi kei hahtükhen” shei nyangei nyupü büpalei nanglomthüi deih-ei dang.

PHONGSHANTHÜ DOU 11:16

Shembüpai epü shah hük, ‘Johani yungi baptük, shejao amphongü Laangha Daülangpai baptükhen’ shei epü deih-ei peiküpeih.

JOHAN 2:11

Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

LUK SHAHSHA APPÜ 24:44

Hapheikü büpai jomphong kü, “Hathüyü ngei amphong mü nyushi am kü epü shahthü hih– Mosa shahkung, thihivam laithü hatü menvih kesho kü ngei nang nyangei nyupü peü dhaümkahen” shei eteke.

LUK SHAHSHA APPÜ 24:26

Messiah-i hathü shangpong heühen hatü büpalei müknyinshekhang kü shühen nadang nenyuhampü hiang?” shei e.

JOHAN 2:2

Hapa yiükjing mo kü Jisu hatü büpalei nanglomthü kao nyük.

PHONGSHANTHÜ DOU 13:33

ha jomei hapeüthü jen kü büpai Jisu dipü kübü yangei leishihpai dhaümteke. Nyipabü Menvih Kesho kü ha nyangei nyüke: “Nüngü ngelei Ha, shinnyih ngei nüngei Pa leitepih.”