JOHAN 19:36 - DAÜLANGPÜ LAIHING (BSI)

³⁶ Laihingei, “Büpalei vang hükao nebhagtük” shei epü jiühühen shingvaishi ha vamteke.

JOHAN 19:36 Referans Kwoze

MENVIH KESHO 34:20

Büpai jomei vangtaothü hükao nemangtüki jungei tuhnyeih.

BHEI-IE 9:12

Jomi nepphei dhom thahshi meheyao aoei netuhhen nevaijü yemhimakei vang ajükao nemanghen. Mechem jomi Hompü Mo mohenshang, hapalei shahkungnyü aimü dükhen.

MÜLANGPÜ 12:46

Hapayü nemnopü shemei-üng hahkemhen vongbong; ammi hapa phai shem leipü yahei chingdaüei tedai, hatü hapalei vang hükao temang.

MENVIH KESHO 22:14

Ngeiyü yung kei langtük, hatü ngelei vangbaong yandaiteke; ngelei mongdangü püjiü keiha, ngelei mongei nyaüei yennyüke.

JOHAN 19:28

Hapheikü mechem Jisui dou peü temteke shei nyingpa, (laihing kü eyei nyupü jiühühen shingvaishi) “Ngei yung leangke” shei e.

MATHI 1:22

Hathü peü Shembüpai thihivam homei hapakei epü jiühühen shingvaishi vamteke.

MENVIH KESHO 35:10

Ngelei büm kempai, “Oh Shembüpa, nüng keiha üpa nyüpa?” shei ehen. Nüngi jom mü nyeishi wong kohpüthü toueipü wong nekohpüthü, hatü wong nekoh hatü nehahneyingpüthü jom leipü gühlangpüthü leipü yangnyeih.

JOHAN 19:24

Hanangkü jomphong hüki hük mü, “Jeni hapayü teshaakshah; üpai danghen shangkü phongyomei veishah” shei e. Hapayü laihingei, “Jomi ngelei ashakviha hantei, hatü ngelei büm-ow nangkü phongyomteke” shei epü jiühühen nangkü ha vamteke. Hanangkü veshanthüi ha dükteke.

JOHAN 13:18

Ngei am peüei nang ne-enyih; ngei üamphong je, ngei hathü nying. Shejao laihingei, ‘üpai ngei mü hahying hanteiyei hah, büpai ngei khüei yaongteke’ shei epü jiühühen shingvaishi nyüke.

2 ONGPATHÜ 15:12

Jehu kü, “Nüngei hühihathüi Israel kü den ali thahshi ong uoshing kü uohen” shei Shembüpai epü jiüshi vamteke.