JOHAN 18:37 - DAÜLANGPÜ LAIHING (BSI)

³⁷ Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

JOHAN 18:37 Referans Kwoze

JOHAN 8:47

Üam Kahvang leipü nyüpa, Kahvangei shahthü bangnyeih. Amphongi hathü nebangpü lappeyü amphongü Kahvang leipü nevai” shei e.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

JOHAN 8:14

Jisui jangei, “Ngei ngei nang denpü shuohhahlangmao, ngelei denpeyü jiütei; mehenangkü ngei meleipü peipa hatü melei dainya ngei ha nying, shejao ngei meleipü pei hatü melei dainya, ha ammi nenying.

1 JOHAN 3:19

Hapa homei jenü shahhing kübü shei jeni nyinghen hatü büpa touei jen monglemhen.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

ISAIAH 55:4

Veituh, ngei büpayü nanglakthü kü denbü hük, hatü nanglakthü shing mübü hük leihüpeih.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

LUK SHAHSHA APPÜ 23:3

Hanangkü Pilati büpa kü, “Nüngü Jehoda amei ongpa je?” shei phe. Büpai, “Nüngiang hapakei enyüke” shei jangei e.

MARK 15:2

“Nüngü Jehoda amei ongpa je?” shei Pilati phe. “Nüngiang enyüke” shei Jisui jang.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JOHAN 3:32

Büpai mehe ee, hatü dan, ha jung denpü shuohnyeih, shejao üpaiyao büpalei denpü neyahnyu.

MATHI 26:64

Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

MATHI 27:11

Shaang Jisu governor touei yaong, hatü governor-i büpa kü, “Nüngü Jehoda amei Ong je?” shei phe. Jisui, “Nüngi enyüke” shei e.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAKEI VAMPÜ 1:4

Johani Asia kü nyupü Attoithü nyet touei: Üpa nyüpa, üpa nyutepa, hatü üpa peikahen nyu, hatü büpalei ong uoshing toueipü laangha nyet,

1 JOHAN 3:14

Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

LUK SHAHSHA APPÜ 22:70

Jom peüi büpa kü, “Shejema, nüngü Kahvang Ha je?” shei phe. Büpai jomphong kü, “Ngeiyü ha khih shei ammi enyüke” shei e.

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 8:45

Shejao ngei shahhing epü nangkü ammi ngei kü hingnelem.

JOHAN 8:46

Am üpai ngei kü mang nyüke shei eaokhen? Ngei am kü shahhing ephüjü mehekei ammi ngei kü hingnelemnya?

1 JOHAN 2:21

Ngei am kü nyangpeyü ammi shahhing nenyingpü nangkü nevai, shejao ammi ha nyingei nyüke, hatü shahhing kübü shahshem nevamnyih.