JOHAN 18:36 - DAÜLANGPÜ LAIHING (BSI)

³⁶ Jisui jangei, “Ngelei ongchingü hapa kahdoknyülei nevai, hapa kahdoknyülei vailangmeyü Jehoda ami ngei yepei shuohpü kü neshuohhühen ngelei nanglomthüi hokhen vaipeih. Shejao ngelei ongchingü kahdoknyülei nevaipih” shei e.

JOHAN 18:36 Referans Kwoze

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

JOHAN 6:15

Jom peiyei vangmü lükei büpa ong vaihühen deihshi nyüke shei mechem Jisui nyingpa, büpa monha shao kahshangei aongdai.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

MATHI 26:53

Ngei Opa kü vangsho phongshan haja anpünyi mü nyeishi shomhen neyüaokhen shei ammi deihnyu je?

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

LUK SHAHSHA APPÜ 12:14

Shejao büpai büpa kü, “Mongjem, am shak kü shahphenbü, nevaijü shahphen ehen ngei üpai jeyei tuhpa?” shei e.

JOHAN 8:15

Ammiyü shennyakei laphen aimü shahphennyüke, shejao ngei üpa kao shahnephennyih.

JOHAN 18:35

Pilati jangei, “Ngeiyü Jehoda am hük nevai, vaila? Ammei jat hatü ngongpathüi nüng yepei ngei kü shuohpü khihma. Nüngi mehe dükshuohpa?” shei e.