JOHAN 18:35 - DAÜLANGPÜ LAIHING (BSI)

³⁵ Pilati jangei, “Ngeiyü Jehoda am hük nevai, vaila? Ammei jat hatü ngongpathüi nüng yepei ngei kü shuohpü khihma. Nüngi mehe dükshuohpa?” shei e.

JOHAN 18:35 Referans Kwoze

PHONGSHANTHÜ DOU 23:29

Shejao büpayü jomei shahkungnyü nangkü nyonghüpü khih, shejao jühen shangshi büpai meheyao nedük-ang, nevaijü khoklatei küphen mao neshiü.

PHONGSHANTHÜ DOU 21:38

Nüngü shelei mophicheü ngaitü phaülei phaü am haja ali müei daipü shennyak vaila?” shei phe.

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

JOHAN 19:11

Jisui jangei, “Shangphi leipai nüng kü neshuohlangmeyü nüng ngei shak kü wong nenyuhah shepeih; hanangkü üami ngei yepei nüng kü lanei shuohnya, jomi nyeipü mang thahteke” shei e.

JOHAN 19:6

Mechem ngongpathü hatü veshanthüi büpa eepa, jomi, “Büpa shophang kü aptuh! Büpa shophang kü aptuh!” shei len. Pilati jom kü, “Am nyingi büpa müei daiyei shophang kü aptuh, ngei büpa nyonghühen mü meheyao nedangang” shei e.

JOHAN 18:28

Hahepak kü jomi Jisu Kaiaphas toueipü müei Pilatei ongshemei dei. Hapayü dhom hepak nyu. Jehoda am mübüthü ongshemei neshü; mehenangkü jomi Hompü Mo hahhen shingvaishi jom nyingi daütüktü nyuteke.

NEHEMIAH 4:2

Büpai büpalei sheühbüthü hatü Samaria leipü veshanthü touei, “Jehoda am patenthüi mehe lingnya? Jomi bham lingei leiaokhen je? Jomi moila shuoh-ei aokhen je? Jomi nyih hük kü temaokhen je? Awi hahtükpü yaongthü khongpü shao mei leiyei lingaokhen je?” shei eteke.

EZRA 4:12

Nüngei kahdok leipü leiküpü Jehoda ami Jerusalemei leiyei hapa khüei yaongteipü hatü nemeipü chingnyü lingei leinyüke. Jomi bham lingei chongnyiamthü lingei leinyüke; ha nüngi nyingjü meihen khih.

JOHAN 18:34

Jisui, “Hapayü nüngi deihtü phenyu hi nevaijü hanei ami ngei jung ephopa?” shei e.

JOHAN 18:36

Jisui jangei, “Ngelei ongchingü hapa kahdoknyülei nevai, hapa kahdoknyülei vailangmeyü Jehoda ami ngei yepei shuohpü kü neshuohhühen ngelei nanglomthüi hokhen vaipeih. Shejao ngelei ongchingü kahdoknyülei nevaipih” shei e.