JOHAN 18:30 - DAÜLANGPÜ LAIHING (BSI)

³⁰ Jomi jangei, “Hapa shennyaki nepunglangmeyü hami büpa nüng kü lanei neshuohhen vaipeih” shei e.

JOHAN 18:30 Referans Kwoze

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

JOHAN 19:12

Hajük mü leitü Pilati Jisu vetükhen khe, shejao Jehoda ami lenei, “Nüngi hapa shennyak vetükjema, nüngü ongpalei küphü nevai. Üpai ong leihünya, büpayü ongpalei vepa” shei e.

LUK SHAHSHA APPÜ 24:7

Shennyak Ha mangthülei lak kü lanei shuohhen, hatü shophang kü aphen, hatü nyih jempabü kü yangei leihen.”

MARK 15:3

Hahepak kü ngongpathüi lebü douthü jung longi eyei Jisu nyonghü.

MARK 10:33

“Veituh, jenphongü Jerusalemei aongnyu khih, hatü Shennyak Ha ngongpathü hatü shahkung nyuhbüthü kü lanei shuohhen, hatü jomi büpa jühen shingvaishi nyonghühen; hapheikü jomi kung amei lak kü lanei shuohhen;

JOHAN 18:29

Hanangkü Pilati jom touei vamei, “Ammi hapa shennyak mepa homei nyonghünya?” shei e.

JOHAN 18:31

Pilati jomphong kü, “Amphongi büpa müei daiyei ammei shahkungnyü aimü shahphenhahtuh” shei e. Jehoda ami jangei, “Üpaao jühen ham kü wong shuoh-ei neshiüpih” shei e.

2 TIMOTI 2:9

ha tata kü shahkung shaipü hük keiha nyiamvüi shahahpü thahshi ngei hanghi pongpeih. Shejao Kahvangei shah shaei netuh.

1 PETER 4:15

Shejao am üpaiyao shennyak jüpü, gühpü, ten dükpü nevaijü mih-ei shahhidou kü shihlangei yaongpü am kei teponghah.