JOHAN 18:20 - DAÜLANGPÜ LAIHING (BSI)

²⁰ Jisui jangei, “Ngei kahdoknyü kü ngaiheyei etepih; ngei düngei Jehoda am peü thaipü Sinagog hatü phopshemei nyuh-ei nyuhampeih. Ngei joei meheyao ne-eangpih.

JOHAN 18:20 Referans Kwoze

JOHAN 7:26

Büpayü hatouei ngaiheyei shah enyüke, shejao jomi büpa kü meheyao ne-eshuohnyu! Hapayü Messiah hih shei mübüthüiyao nyingpü hiang yo?

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

ISAIAH 48:16

Ngei yopailei heih-ei ha bangtuh! chongpangpülei-üng ngei joshi ne-eangpih; hapa vampü hepak kao ngei hamü nyuhampeih. Hatü shaang Jeiyong Shembüpai ngei büpalei laangha mü ngei shompeih.

LUK SHAHSHA APPÜ 21:37

Nyihjeih büpai phopshemei nyuh-ei nyu, hatü yanüng büpa Olive Kahshang shei epülei aongei paümteke,

JOHAN 7:4

mehenangkü shakei vamei mih peüi nyemnying shei deihpü üpa shennyakiyao joshi nedüknyih. Nüngi hathü dou dükjema, kahdoknyü kü nyinghütuh” shei e.

LUK SHAHSHA APPÜ 4:15

Büpai jomei Sinagoglei nyuhhen pang, hatü peüi büpa vihteke.

MATHI 26:55

Hahepak kü Jisui khongnyü kü, “Amphongü gühpa hük kü keiha ngei yephen yan hatü miyaung noshi peiküpü je? Nyihjeih ngei phopshemei uotü nyuh-ei nyushingkü ammi ngei neyep.

MATHI 9:35

Hapheikü Jisui chingnyü chingha peülei daiyei jomei Sinagoglei nyuh, hatü ongching jung shahjangmei baongei, din lemphü hatü tüngpüthü meihüei dai.

ISAIAH 45:19

Shangmang kahdokei uotü ngei joshi shah ne-eangpih; “Angsha kü ngei yemtuh” shei ngei Israel hapeüthü kü ngei ne-eangpih. Ngei, Shembüpai shahhing enyüpeih; mehe jiüpa, ha ngei baongnyüpeih.

JOHAN 8:26

Ngei amphong nang shahphenei ehen longi nyüpeih, shejao üpai ngei shom büpayü shahhing, hatü ngei mehe büpa leipü dan, ha kahdoknyü kü enyüpeih” shei e.

JOHAN 8:2

Dhom mü shao büpa phopshemei pei. Shennyakthü peü büpa touei pei, hatü büpai jomphong kü nyuhhen pang.

JOHAN 7:28

Hahepak kü Jisui phopshemei nyuh-ei nyushingkü büpai wongmü lenei, “Ammi ngei nying, hatü ngei meleipü ammi nyingnyüke. Ngei ngei nyingi mongpü kü neyiü; shejao üpai ngei shom, büpayü hingshangpü, hatü ammi büpa nenying.

JOHAN 7:14

Mo jiam kü Jisu phopshemei peiyei nyuhhen pang.

MATHI 26:65

Hapa shah kü ngongchongi büpalei ashak shaaktü, “Büpai eelanyüke! Jeni ha mü lenei mehe denpü nahen? Ammiyao shaang büpai eelapü danteke.

PHONGSHANTHÜ DOU 26:26

Hingmei ongpa, hathü peü nejü-üi enyüpeih; mehenangkü hathü peü büpai nenyingi neshiüpih, hatü ha joshi nedüknyih.

MATHI 24:26

Hanangkü hathüi nüng kü, “Veituh, büpa jahpanei nyüke” shei ephüjü am halei tedai. Jomi, “Büpa mongpa dungei nyüke” shei ephüjü ha kü hingtelem.

MENVIH KESHO 40:9

Ngei thaihiyu longpülei nüng daülangshemshepü jung baongnyeih; Ngei mechemao ha ne-e-i nenyu shei nüngi nyingei nyüpeih, Oh Shembüpa.

MENVIH KESHO 22:22

Ngei ngelei jeihinaüthü kü nüngei men baonghen; thaihiyu kü ngei nüng vihhen.

MARK 8:32

Büpai ngaiyei ha e, hatü büpai Peter khaatei deitü büpa kü lohhen pang.

JOHAN 6:59

Büpai hathüyü Kapernaumei Sinagoglei nyuhpü hepak kü eteke.

JOHAN 18:21

Ngei kü mehekei phenya? Ngei jom kü mehe e, ha danpüthü kü phetuh; ngei mehe e, ha jomi nyingei nyüke” shei e.