Biblia Todo Logo
Bib sou entènèt

- Piblisite -




JOHAN 17:8 - DAÜLANGPÜ LAIHING (BSI)

8 mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

Gade chapit la Kopi




JOHAN 17:8
31 Referans Kwoze  

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.


Ngei hajük kü amphong kü aathü shei nenyüknyih; mehenangkü shembüi mehe düknya, ha aa hüki nenyingnyih; shejao ngei am kü küphüthü shei nyüknyeih; mehenangkü ngei Opa leipü danpü peü ngei am kü nyinghütepih.


Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.


mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.


Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.


Pa-i laophülei Ha kahdoknyü Yemleipüba vaihen shom shei jeni eeteke hatü hapa denpü shuohnyeih.


shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.


Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.


Ngei Opa kü hatü Opa ngei kü nyüpeih shei nüngi nenyingang je? Ngei nüng kü epü shahthüyü ngelei lompü shah nevai. Shejao hapayü Opa, üpa ngei kü nyu, büpai ha dou düknyüke.


Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.


Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.


Kenhingmonghapü yangnyu, jiüpü, shahhing hatü meipü danghen shingvaishi;


Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.


Jeihinaü hatü nyahinaüthü, ngei am kü baongpü shahjangmei mepa ammi yah, hatü ha kü am yaongshi nyüpa, hapa ngei shao am kü shaang ehünyüke.


Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.


Nüngi ngei kahdoknyülei shompükei ngei jomphong kahdoknyülei shomnyüpeih.


Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.


Ngin leimao ngei nyuhpü yahhahtuh; meipü hon leimao ngelei nyingpühingpü yahhahtuh;


Mehenangkü mehe ngei SHEMBÜPAleipü dang, ha ngei am kü shuohnyeih: Shembüpa Jisu yuhahpü ya büpai aan hük yah,


Üami büpalei shah yah, Kahvangü shahhing shei denpü shuohnyüke.


Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.


Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.


Bangtuh, ngelei hapeü, nüngei yangnyu vangbong longi nyuhen shingvaishi, ngei epü shahthü yahtuh.


Ngelei hapeü, nüngi ngelei shahthü yahjema, hatü ngelei shahkungthü nüngei mongei jaojema;


Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.


Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.


Jisu Khrista shakei vampü mepa Kahvangi büpa kü büpalei chongphobüthü kü mehe lomi vamhen, ha huhen shingvaishi shuohteke. Büpai hayü büpalei chongphobü Johan touei vangsho phongshan shomei shuoh,


Swiv nou:

Piblisite


Piblisite