JOHAN 17:7 - DAÜLANGPÜ LAIHING (BSI)

⁷ Ngei kü shuohpü lemphü nüng leipü khih shei jomi shaang nyingteke;

JOHAN 17:7 Referans Kwoze

JOHAN 16:15

Opai angpü peü ngelei vaipü nangkü büpai ngelei lompüthü yahhen, hatü ha am kü nyinghühen shei ngei enyüpeih.

JOHAN 17:10

Ngeilei nyupü peü nüngei, hatü nüngi angpü peü ngelei, hatü ngei jomphong kü müknyinshekhangtepih.

JOHAN 8:28

Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

JOHAN 14:20

Hapa nyih kü ngei Opa kü nyüke, amphong ngei kü nyüke hatü ngei am kü nyüke shei nyinghen.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.