JOHAN 17:25 - DAÜLANGPÜ LAIHING (BSI)

²⁵ Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 17:25 Referans Kwoze

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

JOHAN 7:29

Ngei büpa nying; mehenangkü ngeiyü büpa leipü, hatü büpai ngei shompeih” shei e.

JOHAN 16:27

mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

HEBREW 8:11

Jom hüki hük kü nenyuhteihen, nevaijü hüki hük mü, ‘Shembüpa nyingtuh’ shei ne-eteihen; Mehenangkü jom peü maanpü kübü longpü thahshi ngei nyinghen.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

1 KORINT 15:34

Meipü hatü jiüshangpü mongdeih touei peikei hatü hajük kü mang tethah; mehenangkü shennyak haneiyü Kahvang nyingpü neshiü. Hayü ngei am veühühen nangkü enyeih.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

ROM SHAHSHA APPÜ 3:26

Büpai hayü shaangpü hepak kü büpayü daülangshemshepü hatü üpai Jisu kü hinglem büpai dahshakhünyeih shei huhen shingvaishi ha dükteke.

ROM SHAHSHA APPÜ 3:11

danaokpü üpaao neshiü, Kahvang yempü üpaao neshiü.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 17:23

Mehenangkü ngei chingnyü homei daishingkü, hatü ammi khümpü dou kü meishi veijü khümteipü moidü hük kü, ‘NENYINGPÜ KAHVANG HÜK KÜ’ shei nyangei eeteke. Ammi mepa kü nenyingi khüm, ha jung ngei am kü baongnyüpeih.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

JOHAN 17:18

Nüngi ngei kahdoknyülei shompükei ngei jomphong kahdoknyülei shomnyüpeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.

JOHAN 16:3

Jomi Opa nevaijü ngei nenyingpü nangkü jomi ha dükphahen.

JOHAN 8:19

Hahepak kü jomi büpa kü, “Ampa melei nyüpa?” shei phe. Jisui, “Ammi ngei nevaijü Opa nenying. Ammi ngei nyinglang meyü Opayao nyinghen vaipeih” shei e.

JOHAN 6:19

Jom mile jem nevaijü ali hükshing yaatei heih-ei nyushi Jisu yung shangkü kamei ai yopailei peijapü eeyei jomphong longi nyem.

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

SHAKEI VAMPÜ 16:5

Hahepak kü yung yompü vangsho phongshani epü hapa ngei dan: “Nüngü shahhing, Oh Daülangpü Hük, Üpa nyüpa, üpa nyutepa, mehenangkü nüngi hathü shahphenteke;