JOHAN 17:21 - DAÜLANGPÜ LAIHING (BSI)

²¹ shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

JOHAN 17:21 Referans Kwoze

1 KORINT 12:12

Mehenangkü büm hük kü phaihan laolao nyupü keiha, hatü büm hük kü phaihan peü, longi nyujao, büm hük mon nyupükei Khrista kao hapakei nyüke.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

JOHAN 13:35

Am hüki hük mü bamteijema, hapai amphongü ngelei nanglomthü khih shei peüi nyinghen” shei e.

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

ZEKHARIAH 14:9

Hapa nyih, kahdoknyü peü kü Shembüpa mon ong vaihen; Shembüpa hük mon nyuhen, hatü büpalei men mon chongkahen.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

JOHAN 10:30

Opa hatü ngeiyü hük.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

1 KORINT 1:10

Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

ROM SHAHSHA APPÜ 12:5

hapa keiha jen longi nyujao Khrista kü büm hük, hatü lomja ieyei jen peü hüki hük mü heanlem nyüke.

JEREMIAH 32:39

Ngei jom meihen shingvaishi jomi ngei kü nyemhen nangkü mongdang hük dou hük shuohhen.

1 JOHAN 5:7

Denpü jem nyüke.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 10:16

Hapa mi khaok kü nepaümpü lebü mithü nyüpeih. Ngei jomphong müei leihen hatü hathüi ngelei ngeü banghen. Hanangkü mi khong hük hatü mi yombü hük mon nyuhen.

ZEPHANIAH 3:9

Hahepak kü jom peü kemei Shembüpa kü nyükhen shingvaishi, hatü pang hük kü paaitü büpa chongphohen shingvaishi, ngei nanglakthülei jubenyeijaang daütükhen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JOHAN 17:18

Nüngi ngei kahdoknyülei shompükei ngei jomphong kahdoknyülei shomnyüpeih.

JOHAN 11:42

Nüngi düngei ngei kü bangnyeih shei ngei nying, shejao ngei hayü hatouei yaongpü khong men kü enyeih, shejüang nüngi ngei shompü khih shei jomi nyinghen” shei e.

JOHAN 17:20

Ngei jomei men kü mon nephopnyih, shejao jomei shah homei ngei kü hinglemhenthü shingvaishiyao phopnyüpeih,

1 KORINT 6:17

Shejao üpai Shembüpa mü mongjem, büpa mü laangha kü hük leidainyeih.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

MARK 3:24

Ongching hüki laophü kü-üng khüei hanjema, mechemao hapa ongching neyaongaokpih,

JOHAN 13:32

Kahvang müknyinshekhang büpa homei shakei vamhüjema, Kahvangi laophü kü-üng Shennyak Ha müknyinshekhanghen, hatü büpai hapakei chemjalak kü dükhen.