JOHAN 17:17 - DAÜLANGPÜ LAIHING (BSI)

¹⁷ Shahhing kü jom daühütuh; nüngei shah-ü shahhing nyüke.

JOHAN 17:17 Referans Kwoze

JOHAN 15:3

Ngei am kü epü shah-i am daüdaiteke.

MENVIH KESHO 119:160

Nüngei shahthü kemei shahhing; nüngei daülangpü shahkung kemei den kü nyunyeih.

EPHESIA 5:26

shejüang shah homei yungi paüei daüpai pinnyü daülangi leihen;

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.

JOHAN 8:32

hatü ammi shahhing nyinghen, hatü shahhingi am bümei leihühen” shei e.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

EPHESIA 4:21

Hingmei ammi büpa jung danteke, hatü Jisu kü nyupü shahhing keiha büpa phei müpü amphong kü nyuhteke.

MENVIH KESHO 119:9

Nethe hük laophülei lem mekei etü daülangi tuh-aokhen? Nüngei shahkungnyü kü jiüshi nyupü homei.

MENVIH KESHO 119:104

Nüngei shahkungthü homei ngei kihikon dangnyeih; hanangkü ngei shahshem lem peü kü jiühitnyeih.

MENVIH KESHO 12:6

Shembüpai lahpeyü hingshangpü, hapayü awbhaong kü nyetpa jakei daütükpü hon hi ngin kei nyüke.

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

2 SAMUEL 7:28

Oh Jeiyong Shembüpa, nüngü Kahvang! Nüngei shahthüyü hingshangpü, hatü nüngi nüngei chongphobü kü hapa lahpü meipü shuohteke.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

LUK SHAHSHA APPÜ 8:11

Shahlap lappeyü ha hih: Sheiliyü Kahvang shah.

JOHAN 8:40

shejao shaang ngei Kahvang leipü danei shahhing ephopü shennyak, ngei jühen khenyüke. Abrahami dükpeyü ha nevaipih.

MENVIH KESHO 119:144

Nüngei shahkungü den kü daülangpü; ngei yemmü nyuhen shing ngei kü kon yahshih.