JOHAN 16:33 - DAÜLANGPÜ LAIHING (BSI)

³³ Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JOHAN 16:33 Referans Kwoze

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

1 JOHAN 5:4

mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

2 THESALONIKA 3:16

Shaang chingmeivangmei Shembüpa büpai-üng hepak peü kü hatü lem peü kü am kü chingmei nyemyahpha. Shembüpa am peü mü nyute.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.

1 PETER 5:9

Büpa khüei yaongtuh, hinglempü kü wongshongi yaongtuh; mehenangkü kahdoknyü kemeilei ammei jeihinaüthü peü aihük shangpong pongnyüke,

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

2 TIMOTI 3:12

Hingmei, üami Khrista Jisu kü Kahvang nyingpü yangnyu nyuhünya peüi shüveidoideipü ponghen.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

HEBREW 11:25

shejao shaang dohdaihen mang mongongmongle kü mongong leimeyü Kahvangei nanglakthü mü shangponghen jehah.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

1 THESALONIKA 3:7

Hanangkü jeihinaü hatü nyahinaüthü, ham ponghahpü hatü shüveidoidei kü nyuyang peü kü am hinglempü homei am nangkü ham kü mongnang thongteke.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

2 KORINT 1:3

Kahvang hatü jenei Shembüpa Jisu Khristalei Pa, phahjilei Pa hatü nyiushemmei peülei Pa moihimantuh.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

1 THESALONIKA 3:4

Jen shüveidoideipü ponghen shei hamphong am mü nyushi yeihshi am kü etepih, hatü ammi nyingei nyupükei ha vampeih.

GALATIA 6:14

Jenei Shembüpa Jisu Khristalei shophang mü lenei ngei nechangmeishah, ha shingvaishi kahdoknyüi ngei shophang kü appeih, hatü ngei kahdoknyü shophang kü appeih.

2 KORINT 7:4

Ngei düngei am nangkü changmeinyeih; am nangkü ngei maühepü longpü nyüpeih; ngei mong nyiushem meipai maei nyüpeih; ham shangpongpü peü kü ngei longi mongongnyeih.

PHONGSHANTHÜ DOU 27:25

Hanangkü shennyakthü monglongtuh, hatü ngei epü keiha jiüshi chongkahen; mehenangkü ngei Kahvang kü hinglemnyeih.

MIKA 5:5

hatü büpayü jomei chingmei vaihen. Mechem Assyria am jenei kahdokei peiyei jenei penyüsha benei shükahenshang, jeni jom khüei hokhen wong kohpü jenei mübüthü shomhen.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

PHONGSHANTHÜ DOU 27:22

Shaangü am peü monglongtuh, jahas mü lenei am üpayao yangnyu nemahpih.

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

PHONGSHANTHÜ DOU 23:11

Ha ya Shembüpa büpa yopailei yaongtü, “Nüng monglongtuh! Nüngi ngei jung Jerusalemei denpü shuohpükei nüngi Rom leiyao denpü shuohhen” shei e.

HEBREW 7:2

hatü Abrahami büpa kü lemphü kübü ankhong shuoh. Shongpü kü büpalei menü, “daülangshemshepü ongpa,” nyipabü kü büpayü Salem amei ongpa, ha lappai, “chingmei ongpa” nyuteke.

JOHAN 16:11

shahphenpü nangkü, mehenangkü hapa kahdoknyü vanglem lempüthü nyonghüteke.

MATHI 9:2

Hahepak kü hanei ami büm bhaoei diyei tüngpü shennyak hük lüngei lemtü paiyei büpa touei pei. Mechem jom hinglempü Jisui eepa, büpai hapa tüngpü shennyak kü, “Monglongtuh, hapeü! Nüngei mangthü tüknyeih” shei e.

2 KORINT 2:14

Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

2 KORINT 4:7

Shejao jenei hapa haümdük kü hapa mop nyüpeih, shejüang peü mü nyeipü nganü jen leipü vampü nevai, shejao Kahvangei shei lekhünyüke.

2 KORINT 6:4

shejao lem peü kü ham nyingi Kahvang chongphobüthü shei shangpong kü, ponghahpü kü, vongshüh kü,

1 JOHAN 2:13

Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü ammi ten neüteke.

SHAHPHENBÜTHÜ 3:2

Büpai hathüyü Israel am denja pheihathü shelei vehok hokpü nenyingpüthü kü nyuhhen shingvaishi dükteke.