JOHAN 16:28 - DAÜLANGPÜ LAIHING (BSI)

²⁸ Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 16:28 Referans Kwoze

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

JOHAN 8:14

Jisui jangei, “Ngei ngei nang denpü shuohhahlangmao, ngelei denpeyü jiütei; mehenangkü ngei meleipü peipa hatü melei dainya ngei ha nying, shejao ngei meleipü pei hatü melei dainya, ha ammi nenying.

JOHAN 16:5

Shejao shaang üpai ngei shom, büpa touei ngei lüdainyeih; shejao amphong üpaiyao ngei kü, “Nüng melei dainya?” shei nephe.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 16:16

“Kansho hük pheikü sheyü ammi ngei ne-eehen, hatü kansho hük pheikü ammi ngei eehen.”

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

LUK SHAHSHA APPÜ 24:51

Büpai jom kü moihimanei nyushingkü büpa jomphong toueipü yanei vangsholei anlang.

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

LUK SHAHSHA APPÜ 9:51

Mechem büpa vangsholei anlanghen nyihthü yoei peipa, büpai Jerusalemei heihhen layaong.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

JOHAN 16:10

daülangshemshepü nangkü; mehenangkü ngei Opa touei lüdainyeih hatü hajük kü ammi ngei ne-eehen;

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.