JOHAN 16:11 - DAÜLANGPÜ LAIHING (BSI)

¹¹ shahphenpü nangkü, mehenangkü hapa kahdoknyü vanglem lempüthü nyonghüteke.

JOHAN 16:11 Referans Kwoze

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

KOLOSI 2:15

Büpai vanglem lempü hatü yemya yapü laanghathü peü büpai shophang homei jom aoktüktü büpai hathü shakei vamei huteke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

HEBREW 6:2

baptükpü nang nyuhpü, laki shüngpü, dipü kübü yangei leipü, hatü nedohnetenpü shahphenpü jung jeni shao chongnyiam nelingshah.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

PHONGSHANTHÜ DOU 10:42

Büpai hamphong kü nanglakthü kü chongvenhen, hatü büpayü yemmü nyupü hatü dipüthülei shahphenbü vaihen Kahvangi jepeih shei denpü shuohhen shahkung shuohpeih.

LUK SHAHSHA APPÜ 10:18

Büpai jomphong kü, “Klang keiha vangsho leipü Satan vüpü ngei eepeih.

MATHI 12:36

Ngei am kü enyeih, shahphenpü nyih shennyak peüi laophüi etükpü nelishah peü kü shahnyok shuohhen;

MATHI 12:18

“Ngei jelangpü ngelei chongphobü hatouei nyüke, ngei bampü, büpa kü ngelei laanghai mong hahnyeih. Ngei ngelei laangha büpa kü shihshuohhen, hatü büpai jatthü kü shahhing baonghen.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

ROM SHAHSHA APPÜ 16:20

Chingmei Kahvangi meshük ne-angi ammei la phangkü kahshih ngümtükhen. Jenei Shembüpa Jisu Khrista phahji am mü nyute.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 24:25

Pauli shahhing epü, ungeiaeipü hatü ngoikahen shahphenpü nyih nang ejashingkü Felix nyemei pei, hatü, “Shaang shingvaishi hajük vaishah; ngei hepak meipü kü ngei nüng nyüknüng shomphahen hih” shei epeih.

JOHAN 16:12

Shao-üng ngei am kü ehen longi nyüpeih, shejao ammi shaang hathü neko-aoknyu khih.